ރައީސް ވިދާޅުވި ފާހަކަފުޅު "ޓްވިސްޓުކުރަން" އަދަދު ނޫހުން ދޮގު ހަބަރު ފަތުރަނީ

ކުރީ ސަރުކާރުން ހެދި އަސްކަރީ އެއްބަސްވުންތަކުގައި ކަންބޮޑުވާން ޖެހޭ ވަރު "މިހާރަކު" ނޯންނާނެ ކަމަށް ރައީސް ވިދާޅުވި ވާހަކަ އޮޅުވާލަން އަދަދު ނޫހުން ދޮގު ހަބަރު ފަތުރަމުންގެންދާކަން ހާމަވެއްޖެއެވެ.

ރައީސް އޮފީހުގައި މިހާރު ކުރިއަށްދާ ނޫސްވެރިންގެ ބައްދަލުވުމުގައި ވާހަކަދައްކަވަމުން ރައީސް ވިދާޅުވީ، އަސްކަރީ އެއްބަސްވުންތައް ހާމަކުރަން އެމަނިކުފާނު ވެވަޑައިގެންނެވި ވައުދާ އެއްގޮތަށް މަސައްކަތް ކުރަމުންދާ ކަމަށެވެ. އަދި ކުރީ ސަރުކާރުން ހެދި އަސްކަރީ އެއްބަސްވުންތަކުގައި ކަންބޮޑުވާން ޖެހޭ ވަރު ކަމެއް މިހާރަކު ނޯންނާނެ ކަމަށް ރައީސް ވަނީ ވިދާޅުވެފައެވެ.

ކުރީ ސަރުކާރުން ހެދި އަސްކަރީ އެއްބަސްވުންތަކުގައި ކަންބޮޑުވާން ޖެހޭ ވަރު ކަމެއް މިހާރަކު ނޯންނާނެ ކަމަށާއި ، އެއްބަސްވުންތައް ހާމަނުކުރެވެނީ ކުރީސަރުކާރުން ހާމަނުކުރެވޭގޮތަށް މާއްދާތައް ހިމަނާފައިވާތީ ކަމަށްވެސް މިހާރު ކުރިއަށްދާ ނޫސްވެރިންގެ ބައްދަލުވުމުގައި ވާހަކަދައްކަވަމުން ރައީސް ވިދާޅުވިއެވެ. ރައީސް އިތުރަށް ވިދާޅުވީ ސިޔާދަތަށް ގެއްލުންވާނެ ކަމަކަށް އޮތީ ހައިޑްރޯގްރަފީ އެއްބަސްވުން ކަމށާއި، އެއްބަސްވުން އާ ނުކުރާން ވަނީ ނިންމާފައި ކަމަށެވެ.

ކުރީ ސަރުކާރުން ހެދި އަސްކަރީ އެއްބަސްވުންތަކުގައި ކަންބޮޑުވާން ޖެހޭ ވަރު ކަމެއް މިހާރަކު ނޯންނާނެ ކަމަށް ވިދާޅުވި ވާހަކަފުޅު ކުރީ ސަރުކާރުން ހެދި އަސްކަރީ އެއްބަސްވުންތަކުގައި ކަންބޮޑުވާން ޖެހޭ ވަރު ކަމެއް ނެތްކަމަށް ބުނެ ހަގީގަތް އޮޅޭގޮތަށް އަދަދު ނޫޙުން ވަނީ ހަބަރު ގެނެސްދީފައެވެ.

އަދަދު ނޫހަކީ އިދިކޮޅު އެމްޑީޕީއާއި ވަރަށް ގުޅުން ރަނގަޅު ނޫޙެކެވެ. އަދި ނިމިދިޔަ އެމްޑީޕީ ސަރުކާރުގައި ވަރަށް ގިނަ ސަރުކާރު ކުންފުނިތަކުން އެމްޑީޕީ ޕްރޮމޯޓް ކުރުމަށް އެނޫހަށް ވަނީ ފައިސާވެސް ދީފައެވެ.