އަދަދު ނޫހުގެ އާއިދު، ރާއްޖެޓީވީގެ ޕްރޮގްރާމަކަށް ނޭރުވުމުން ހިތްހަމަނުޖެހިގެން ހަޑިހުތުރު ބަހުން ވާހަކަދައްކާ ވީޑިއޯއެއް ސޯޝަލް މީޑިއާގައި ދައުރުވަނީ

އަދަދު ނޫހުގެ ނޫސްވެރިޔާ އަހުމަދު އާއިދު ރާއްޖެޓީވީގެ ޕްރޮގްރާމަކަށް ނޭރުވުމުން ހިތްހަމަނުޖެހިގެން ހަޑިހުތުރު ބަހުން ވާހަކަދައްކާ ވީޑިއޯއެއް ސޯޝަލް މީޑިއާގައި ދައުރުވާން ފަށާފި އެވެ.

ސޯޝަލް މީޑިއާގައި ދައުރުވަމުންދާ ވީޑިއޯގައި އާއިދު ވަނީ މަޖިލީހަށް ވައްދާފައިވާ މީޑިއާ ރެގިއުލޭޓްކުރާ ބިލާ ގުޅޭގޮތުން ރާއްޖެޓީވީގެ ޕްރޮގްރާމަކަށް އޭނާގެ ބަދަލުގައި އެހެންމީހަކު އެރުވުމާ ގުޅިގެން އޭނާ ވަނީ ހިތްހަމަނޖެހިގެން ވާހަކަ ދައްކާފަ އެވެ. އެވާހަކަތަކުގައި ވަރަށް ހަޑިހުތުރުބަސްތައް އާއިދު ވަނީ ބޭނުންކޮށްފަ އެވެ.

އާއިދު ހާޑިހުތުރު ބަސްތަކުން ވާހަކަ ދައްކާ ވީޑިއޯ އާންމުވުމާ ގުޅިގެން އޭނާއަށް ގިނަބައެއްގެ ފާޑުކިޔުން އަންނަނީ އަމާޒުވަމުންނެވެ.

އެމްޑީޕީ އާއި ގުޅުންބޮޑު ނޫސްވެރިއެއްގެ ގޮތުގައި ފާހަގަކުރެވޭ އާއިދު ވަނީ މިހަފްތާގެ ތެރޭގައިވެސް ދޮގު ހަބަރެއް އެނޫހުގައި ޝާއިއުކޮށްފައެވެ. އެއީ ކުރީގެ ޔޫތް މިނިސްޓަރު އަހުމަދު މަހުލޫފު އެމްޑީޕީން ވަކިވެ ފައްޔާޒުއަށް ފޮނުވި ސިޓީގައި އޭނާ އެޕާޓީން ވަކިވީ ސިޔާސީ މަގާމެއް ފުރުމަށްކަމަށް ބުނެފައިވާ ކަމަށްބުނެ އޭނާ ޝާއިއުކުރި ހަބަރެވެ. އެ ސިޓީގައި ސިޔާސީ މަގާމެއް ލިބުނު ވާހަކައެއް މަހުލޫފު ބުނެފައެއް ނުވެއެވެ. މި ދޮގު ހަބަރާ ގުޅިގެން ވެސް އާއިދުއަށް ވަރަށް ބޮޑަށް ފާޑުކިޔުން އަމާޒުވި އެވެ.