އެމްޕީއެލްގެ އެމްޑީއަކަށް ރިޝްވާން އައްޔަނުކޮށްފި!

މޯލްޑިވްސް ޕޯޓްސް އޮތޯރިޓީ، އެމްޕީއެލްގެ މެނޭޖިން ޑިރެކްޓަރުގެ މަޤާމަށް މުޙައްމަދު ރިޝްވާންު މިއަދު އައްޔަނު ކޮށްފިއެވެ.

ޕްރައިވަޓައިޒޭޝަން އެންޑް ކޯޕަރޭޝަން ބޯޑުން މިއަދު ބުނީ މޯލްޑިވްސް ޕޯޓްސް ލިމިޓެޑްގެ މެނޭޖިން ޑިރެކްޓަރު ކަމުގެ މަޤާމަށާއި ބޯޑު ޑިރެކްޓަރު ކަމުގެ މަޤާމަށް ހ. ހަބަރުގެ، އަލްފާޟިލް މުޙައްމަދު ރިޝްވާނު، މިއަދު ވަނީ އައްޔަނު ކުރެވިފައިވާ ކަމަށެވެ.

ރިޝްވާނަކީ ކުރިން ފުލުހުންގެ އިދާރާގައި މަސައްކަތް ކުރެއްވި ބޭފުޅެކެވެ. އޭނާ ވަނީ ޑެޕިއުޓީ ކޮމިޝަނަރ އޮފް ޕޮލިސްގެ މަޤާމު އަދާކުރައްވައިފައެވެ. އޭގެފަހުން ރިޝްވާނު ވަނީ އައިޖީއެމް އެޗްގެ ޑެޕިއުޓީ ޗީފް އެގްޒެކެޓިވް އޮފިސަރުގެ މަޤާމު ވެސް އަދާ ކުރައްވައިފައެވެ.

ރިޝްވާނު އެ މަޤާމަށް އައްޔަނު ކުރައްވާފައި މިވަނީ އެމްޕީއެލްގެ މެނޭޖިން ޑައިރެކްޓަރުގެ މަޤާމުގައި ހުންނެވި މުޙައްމަދު ވަޖީހު މި ފެބުރުއަރީ މަހުގެ 2 ވަނަ ދުވަހު ވަކިކުރުމަށް ފަހުގައިކަން ފާހަގަ ކުރެވެއެވެ.