ސްޓެލްކޯގެ އެމްޑީ ޝަމާޙް އެ މަޤާމުން ވަކިކޮށްފި

ޒައުޖަތު އަޙުމަދު2026 ޖެނުއަރީ 11

ސްޓެލްކޯގެ އެމްޑީ ޝަމާޙް އެ މަޤާމުން ވަކިކޮށްފިއެވެ.

މިކަން ހާމަކޮށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން (ޕީސީބީ) އެކްސްގައި ކުރި ޕޯސްޓެއްގައި ބުނީ ސްޓޭޓް އިލެކްޓްރިކް ކޮމްޕެނީ ލިމިޓެޑް – ސްޓެލްކޯގެ މެނޭޖިންގ ޑިރެކްޓަރުގެ މަޤާމުންނާއި، ޑިރެކްޓަރުންގެ ބޯޑް މެމްބަރުކަމުގެ މަޤާމުން މ. ސިސްކަން، އަލްފާޟިލް އަޙްމަދު ޝަމާޙް ރަޝީދު މިއަދުން ފެށިގެން ވަނީ ވަކިކޮށްފައި ކަމަށެވެ.

ޝަމާޙް އެ މަޤާމުން ވަކި ކުރި ސަބަބު ހާމަކޮށްފައެއް ނުވެއެވެ.

ޝަމާޙްގެ ބަދަލުގައި އެހެން ބޭފުޅަކު އެ މަޤާމަށް ޢައްޔަނު ކުރިކަން ޕީސީބީން ހާމަކޮށްފައެއް ނުވެއެވެ.

ސްޓެލްކޯގެ އެމްޑީގެ މަގާމުގައި ކުރިން ހުންނެވި މ. ފަތަހަ، ޙުސައިން ފަހުމީ އެ މަގާމުން ވަކިކޮށް އެމްޑީގެ މަގާމަށް އަޙުމަދު ޝަމާހް އައްޔަންކުރެއްވީ މިދިޔަ އަހަރުގެ ސެޕްޓެމްބަރު މަހުގެ ހަތް ވަނަ ދުވަހު އެވެ.

ޝަމާހް ވަނީ މިފްކޯގެ ސީއީއޯގެ މަޤާމު މީގެ ކުރިން އަދާކުރައްވާފަ އެވެ.