ތަންތަނަށް ގެއްލުން ދީ ހުޅުޖަހަން ގޮވާލި މީހަކު ހައްޔަރުކޮށްފި

ޒައުޖަތު އަޙުމަދު2026 އޮކްޓޯބަރު 22

ތަންތަނަށް ގެއްލުންދޭން ހިތްވަރުދީ އެކަމަށް ގޮވާލި މީހަކު ހައްޔަރުކޮށްފިއެވެ.

ފުލުހުން ވިދާޅުވީ، މީހަކު ޙައްޔަރުކޮށްފައިވަނީ ދިވެހިރާއްޖޭގެ ބައެއް އިމާރާތްތަކާއި އުޅަނދުފަހަރުގައި ހުޅުޖަހައި، ފިހާރައެއް ލޫޓުވުމަށް ސޯޝަލް މީޑިއާ މެދުވެރިކޮށް ހިތްވަރުދީ ގޮވާލި މައްސަލައިގެ ތުޙުމަތުގައިކަމަށެވެ.

މިމައްސަލާގައި ހައްޔަރުކޮށްފައިިވަނީ، ހއ. ބާރަށް، ކުއްޅަވައްގޭ، އުމުރުން 25 އަހަރުގެ ޢަލީ ޖުމާންއެވެ.

ކޯޓު އަމުރެއްގެ ދަށުން އޭނާ ހައްޔަރުކޮށްފައިވަނީ މިއަދުގެ ވަގުތެއްގައެއެވެ.

މި މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.

ދައުލަތުގެ ތިން ބާރުގެ އިމާރާތްތަކުގައި ހުޅުޖަހަން ގޮވާލި މައްސަލައެއްގައި މިމަހުގެ 20 ވަނަ ދުވަހު، ފުވައްމުލަކުން ހައްޔަރުކުރި މީހެއްގެ ބަންދަން 15 ދުވަސް އިތުރުކޮށްފައިވާ ކަން ފާހަގަ ކުރެވެއެވެ.