މިހާތަނަށް 205 ސިޔާސީ މުވައްޒަފުން ވަކިކޮށްފި: މުންދު

ޒައުޖަތު އަޙުމަދު2026 ސެޕްޓެމްބަރު 05

ސަރުކާރުން 205 ސިޔާސީ މުވައްޒަފުން ވަކިކޮށްފައިވާ ކަމަށް ސަރުކާރުގެ ތަރުޖަމާނު މުޙައްމަދު ޙުސައިން ޝަރީފު (މުންދު) މިއަދު ވިދާޅުވެއްޖެއެވެ.

މުންދު މިފަދައިން ވިދާޅުވީ ޕީއެސްްއެމް ނިއުސްއަށް ދެއްވި އިންޓަވިއުއެއްގައެވެ.

މުންދު ވިދާޅުވީ ސަރުކާރުގެ ޚަރަދު ކުޑަކުރުމުގެ ސިޔާސަތުގެ ދަށުން، ހަތަރު ފަންތިއެއްގެ މަގާމުތަކުގައި ތިބި ޖުމްލަ 205 ސިޔާސީ މުވައްޒަފުން ވަކިކޮށްފައިވާ ކަމަށެވެ. އޭގެތެރޭގައި ސްޓޭޓް މިނިސްޓަރުންނާއި ޑެޕިއުޓީ މިނިސްޓަރުންނާއި ސީނިއާ ޕޮލިޓިކަލް ޑިރެކްޓަރުން އަދި ޕޮލިޓިކަލް ޑިރެކްޓަރުން ހިމެނޭކަމަށް މުންދު ވިދާޅުވިއެވެ.

މުންދު އިތުރަށް ވިދާޅުވީ ސިޔާސީ މުވައްޒަފުން ވަޒީފާ އިން ވަކިކުރުން އަދި ނުނިމޭ ކަމަށާއި ކުރިއަށް އޮތް ތަނުގައި ވެސް އިތުރު ސިޔާސީ މުވައްޒަފުން ވަކިކުރަމުން ގެންދާނެ ކަމަށެވެ.

ހުރިހާ އެސްއޯއީތަކެއް ރައިޓްސައިޒުކޮށް ނިމޭ އިރު މި ސަރުކާރުން ވަޒީފާތަކަށްލީ މީހުންގެ އަދަދަށް ވުރެ ބޮޑު އަދަދެއް އުނިވެގެން ދާނެ ކަމަށް މުންދު ވިދާޅުވިއެވެ.