ރާއްޖެ އައި އެމެރިކާ މީހެއްގެ ލަގެޖުން ވަޒަން އަޅާފައިވާ މެގަޒިންއެއް ފެނިގެން ހައްޔަރުކޮށްފި

ޒައުޖަތު އަޙުމަދު2026 އޯގަސްޓު 25

ރާއްޖެ އައި އެމެރިކާ މީހެއްގެ ލަގެޖުން ވަޒަން އަޅާފައިވާ މެގަޒިންއެއް ފެނިގެން ހައްޔަރުކޮށްފިއެވެ.

މިކަމާއި ގުޅިގެން ފުލުހުންގެ އިދާރާއިން މިއަދު ނެރުނު ބަޔާނެއްގައި ބުނީ މިމަހުގެ 24 ވަނަ ދުވަހު ރާއްޖެއަށް ވައިގެ މަގުން އެތެރެވި އެމެރިކާ ރައްޔިތެއްކަމަށްވާ އުމުރުން 36 އަހަރުގެ ކޮބޯލް ބްރިޓެއިން ނަމަކަށްކިޔާ މީހެއްގެ އަތުން ވަޒަން އަޅާފައިވާ މެގަޒިންއެއް ފެނިފައިވާކަމަށެވެ.

މި މެގަޒިން ފެނިފައިވަނީ އޭނާގެ ލަގެޖް ބަލައި ފާސްކުރިއިރުއެވެ.

އޭނާ ހައްޔަރުކޮށްފައިވާއިރު، ބަންދާއިމެދު ގޮތެއް ނިންމުމަށް މިއަދު ހާޟިރު ކުރުމުން ކޯޓުން ވަނީ އޭނާ 10 ދުވަހުގެ މުއްދަތަށް ހައްޔަރު ކުރުމަށް އަމުރު ނެރެފައި ކަމަށް ފުލުހުންގެ އިދާރާއިން ބުންޏެވެ.

މި މައްސަލަ ފުލުހުން ދަނީ ތަޙުޤީޤުކުރަމުންނެވެ.