ގޭސް ފުޅިއެއް ގޮވައި ހިނގި އަލިފާނުގެ ހާދިސާއެއްގައި ދެ މީހެއްގެ ހާލު ސީރިއަސް

މުހައްމަދު ރިފާއު2026 އޯގަސްޓު 24

މާލޭގެ ގެއެއްގައި ގޭސް ފުޅިއެއް ގޮވައި، ހިނގި އަލިފާނުގެ ހާދިސާއެއްގައި ދެ ބިދޭސީއެއްގެ ހާލު ސީރިއަސް ވެއްޖެ އެވެ.

ފުލުހުން ބުނީ ރޭ ފަތިހު 5:27 ހާއިރު ގޭސް ފުޅި ގޮވައިގެން އަލިފާން ރޯވެފައި ވަނީ މއ. ދޫގަސްގައި ކަމަށެވެ.

އެ ހާދިސާގައި އަނިޔާވި ހަތަރު ބިދޭސީންނަށް އައިޖީއެމްއެޗްގައި ފަރުވާދެމުން އަންނަ އިރު އޭގެ ތެރެއިން ދެ މީހެއްގެ ހާލު ސީރިއަސް ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.

މި ހަތަރު މީހުންނަށް ވެސް އައިޖީއެމްއެޗުގައި ފަރުވާ ދެމުންދާއިރު، އޭގެ ތެރެއިން ދެ މީހުންގެ ހާލު ސީރިއަސް ކަމަށް ހޮސްޕިޓަލާ ހަވާލަދީ ފުލުހުން ބުނެފައިވެ އެވެ.

އެގޭގައި ރޯވި އަލިފާން މިހާރު ވަނީ ކޮންޓްރޯލް ކޮށްފަ އެވެ.

އެނގިފައިވާ ގޮތުގައި، އަލިފާނުގެ ހާދިސާ ހިނގީ ފަސް ކޮޓަރި ހިމެނޭ، 15 މީހުން އުޅޭ ތަނެއްގަ އެވެ. އަލިފާނުގެ ހާދިސާގައި އެތަނުގެ ފާރެއް އިމާރާތުގެ ފެން މީޓަރުގެ މައްޗަށް ވެއްޓުމުގެ ސަބަބުން ހޮޅިތައް ފަޅައިގެން ގޮސް ފެން ލީކުވެ މުޅި އިމާރާތަށް ގެއްލުން ވެފައިވާ ކަމަށް ވެސް ވަނީ އެނގިފަ އެވެ.