ޕޯސްޓް މެދުވެރިކޮށް ގެނައި ޕާރުސަލަކުން ތިން ކިލޯއަށްވުރެ ގިނަ މަސްތުވާތަކެތި ފެނިއްޖެ

ޒައުޖަތު އަޙުމަދު2026 އޯގަސްޓު 17

ޕޯސްޓް މެދުވެރިކޮށް އެތެރެކުރަން އުޅުނު ތިން ކިލޯއަށްވުރެ ގިނަ މަސްތުވާތަކެތި އަތުލައިގެންފިއެވެ.

މޯލްޑިވްސް ކަސޓަމްސް ސާވިސްއިން ބުނީ ޕޯސްޓް މެދުވެރިކޮށް ރާއްޖެއެތެރެކުރަން އުޅުނު 3.2 ކިލޯއަށްވުރެ ގިނަ މަސްތުވާތަކެތި ކަސްޓަމްސްއިން އަތުލައިގެންފައިވާ ކަމަށެވެ.

މި ތަކެތި އަތުލައިގެންފައި ވަނީ 15 އޮގަސްޓް 2026 ވަނަ ދުވަހު ކަމަށް ވެސް އެ އިދާރާއިން ބުންޏެވެ.

ކަސްޓަމްސްއިން ބުނީ އަތުލައިގެންފައި ވަނީ 3252 ( ތިން ކިލޯ ދުއިސައްތަ ފަންސާސް ދެ ގުރާމް) ގެ ކެނަބިސް ކަމަށެވެ.

ކަސްޓަމްސްއިން ބުނީ މި ތަކެތި އަތުލައިގަނެފައި ވަނީ ޕޯސްޓް މެދުވެރިކޮށް ރާއްޖެ ގެނެސްފައިވާ ޕެކޭޖެއް ބަލައި ފާސްކުރަމުން ދިޔައިރު، އޭގެތެރޭގައި މަސްތުވާތަކެތި ފޮރުވާފައި ހުރިކަމަށް، ކަސްޓަމްސްއަށް ޝައްކު ކުރެވިގެން އިތުރަށް ޗެކް ކުރުމުގެ ތެރޭގައި ކަމަށެވެ.