ރާއްޖެ އައި އިންޑިއާ މީހެއްގެ ލަގެޖުން މަސްތުވާތަކެތި ފެނިއްޖެ

ޒައުޖަތު އަޙުމަދު2026 އޯގަސްޓު 12

ރާއްޖެ އައި އިންޑިއާ މީހެއްގެ ލަގެޖުން މަސްތުވާތަކެތި ފެނިއްޖެ ކަމަށް މޯލްޑިވްސް ކަސްޓަމްސް ސާވިސްއިން ބުނެފިއެވެ.

އެ އިދާރާއިން ބުނީ ވައިގެމަގުން ރާއްޖެއެތެރެކުރަން އުޅުނު މަސްތުވާތަކެތި އަތުލައިގެންފައިވާ ކަމަށެވެ. މިތަކެތި އަތުލައިގެންފައި ވަނީ ވެލާނާ އިންޓަރނޭޝަނަލް އެއާޕޯޓުންނެވެ.

ކަސްޓަމްސްއިން ބުނީ މިތަކެތި އަތުލައިގަނެފައި ވަނީ 2026 އޮގަސްޓް 05 ވަނަ ދުވަހު އިންޑިއާއިން ރާއްޖެ އައި އިންޑިއާގެ ފަސިންޖަރެއްގެ ލަގެޖްގައި މަސްތުވާތަކެތި ރައްކާކޮށްގެން ގެނެސްފައިވާކަމަށް ޝައްކުކުރެވިގެން، އެފަސިންޖަރުގެ ލަގެޖް ބަލާފާސްކުރުމުގެ ތެރޭގައި ކަމަށެވެ.

އޭނާ ގެނެސްފައި ވަނީ މަސްތުވާތަކެތީގެ ބާވަތެއް ކަމުގައިވަ ކެނަބިސް ކަމަށާއި މިތަކެތީގެ ބަރުދަނުގައި ޖުމްލަ 450 ގްރާމް ހުރި ކަމަށް ކަސްޓަމްސްއިން ވަނީ ބުނެފައެވެ.