"ބޯހިޔާވަހިކަން" ޕޯޓަލްއަށް ޓެކްނިކަލް މައްސަލައެއް ދިމާވެ ޚިދުމަތް ވަގުތީގޮތުން މެދުކެނޑިއްޖެ

ޒައުޖަތު އަޙުމަދު2026 ޖޫން 15

"ބޯހިޔާވަހިކަން" ޕޯޓަލްއަށް ޓެކްނިކަލް މައްސަލައެއް ދިމާވެ ޚިދުމަތް ވަގުތީގޮތުން މެދުކެނޑިއްޖެއެވެ.

ގެދޮރުވެރިކަމާބެހޭ ވުޒާރާއިން ދެންމެ ބުނީ "ބޯހިޔާވަހިކަން އެންމެންނަށް" ސިޔާސަތުގެ ދަށުން ގްރޭޓަރ މާލެ ސަރަޙައްދުން ގޯއްޗާއި ފްލެޓަށް އެދި އެޕްލިކޭޝަން ހުށަހެޅުމަށް ގާއިމްކޮށްފައިވާ "ބޯހިޔާވަހިކަން" ޕޯޓަލްއަށް ޓެކްނިކަލް މައްސަލައެއް ދިމާވެ އެޕްލިކޭޝަން ހުށަހެޅުގެ ޚިދުމަތް ވަގުތީގޮތުން މެދުކެނޑިފައިވާ ކަމަށެވެ.

އެ ވުޒާރާއިން ބުނީ މި މައްސަލަ ޙައްލުކުރުމަށް މިނިސްޓްރީގެ ޓެކްނިކަލް ޓީމުން މަސައްކަތް ކުރަމުން އަންނަ ކަމަށެވެ.

މައްސަލަ ޙައްލުވިހާ އަވަހަކަށް އެކަން ޢާންމުކޮށް އަންގާނެ ކަމަށާއި މި ކަމުގައި ރައްޔިތުންނަށް ދިމާވެދާނެ ދަތިތަކަށް އެ ވުޒާރާއިން ވަނީ މަޢާފަށް އެދިފައެވެ.

ގޯއްޗާއި ފްލެޓަށް އެދި އެޕްލިކޭޝަން ހުށަހެޅުމަށް ދީފައިވާ ސުންގަޑި ހަމަވާނީ މިރޭ 11:59 އަށް ކަމަށް އެ ވުޒާރާއިން ކުރިން ވަނީ ބުނެފައެވެ.

View post on Twitter

މި ސިޔާސަތުގެދަށުން ގޯއްޗާއި ފުލެޓަށް އެދި އެޕްލިކޭޝަން ހުށަހެޅުމަށް ދީފައިވާ މުއްދަތު 3 ފަހަރަކު އިތުރުކޮށްފައިވާކަން ފާހަގަ ކުރެވެއެވެ.