އިއްޔެ ވައިގެ މަގުން އެތެރެކުރަން އުޅުނު 8 ކިލޯއަށްވުރެ ގިނަ މަސްތުވާތަކެތި އަތުލައިގެންފި

ޒައުޖަތު އަޙުމަދު2026 ޖޫން 10

އިއްޔެ ވައިގެ މަގުން އެތެރެކުރަން އުޅުނު 8 ކިލޯއަށްވުރެ ގިނަ މަސްތުވާތަކެތި އަތުލައިގެންފިއެވެ.

މޯލްޑިވްސް ކަސްޓަމްސްއިން ބުނީ، 09 ޖޫން 2026 ވަނަ ދުވަހު ވައިގެމަގުން ރާއްޖެއެތެރެކުރަން އުޅުނު 8 ކިލޯއަށްވުރެ ގިނަ މަސްތުވާތަކެތި ކަސްޓަމްސްއިން އަތުލައިގެންފައިވާ ކަމަށެވެ.

ކަސްޓަމްސްއިން ބުނީ އަތުލައިގަނެފައި ވަނީ 8 ކިލޯ 490 ގުރާމްގެ ހަޝިޝް އޮއިލް ކަމަށެވެ.

އަތުލައިގަތް ތަކެތީގެ މަަގުމަތީއަގު، 6 މިލިއަން ދިވެހި ރުފިޔާއަށް ވުރެ އިތުރުވާނެ ކަމަށް ވެސް އެ އިދާރާއިން ބުންޏެވެ.

މި ތަކެތި އަތުލައިގެންފައި ވަނީ ވެލާނާ އިންޓަރނޭޝަނަލް އެއާޕޯޓުން ކަމަށް ވެސް އެ އިދާރާއިން ވަނީ ބުނެފައެވެ.