އަނބިމީހާ ލައްވާ ހަށިވިއްކާ ކަމުގެ ތުހުމަތުގައި ބަންގްލަދޭޝް މީހަކު ހައްޔަރުކޮށްފި
ރާއްޖޭގައި އުޅޭ ބަންގްލާދޭޝް މީހަކު އޭނާގެ އަނބިމީހާ ރާއްޖެއަށް ގެނެސް ކޮޓަރިއެއްގައި ބަންދުކޮށްފައި ބަހައްޓައިގެން އޭނާ ލައްވައި ހަށިވިއްކާ ކަމުގެ ތުހުމަތުގައި ހައްޔަރުކޮށްފި އެވެ.
މީހުން ޓްރެފިކްކުރުމުގެ ކުށުގެ ތުހުމަތަށް ހައްޔަރުކުރި އުމުރުން 30 އަހަރުގެ މީހާގެ ބަންދުގެ މުއްދަތު އިތުރުކުރުމަށް އިއްޔެ ކޯޓަށް ހާޒިރުކޮށް ބަންދަށް ވަނީ 10 ދުވަސް އިތުރުކޮށްފަ އެވެ.
ކޯޓުގައި ފުލުހުން ބުނެފައިވާ ގޮތުގައި އޭނާގެ އަނބިމީހާ ވަނީ އޭނާ ކޮޓަރިއެއްގައި ބަންދުކޮށްފައި ބަހައްޓައިގެން ހަށިވިއްކުވާ ކަމަށް ފުލުހުންނަށް މައުލޫމާތު ދީފަ އެވެ.
ނަމަވެސް، ހައްޔަރުކުރި މީހާ ކޯޓުގައި ބުނީ އޭނާގެ މައްޗަށް ތުހުމަތުކުރާ އެއްވެސް ކަމެއް އޭނާ ކޮށްފައި ނުވާނެ ކަމަށެވެ.
މުޖުތަމައުގެ ސަލާމަތަށް ނުރައްކާވެދާނެ ކަމަށް ބަލައި މި މީހާ ތަހުގީގަށް 10 ދުވަހު ބަންދުގައި ބަހައްޓަން އަމުރުކޮށްފައި ވާއިރު މިކަމާ ގުޅޭ ގޮތުން އިތުރު މައުލޫމާތެއް ފުލުހުން ހާމަކޮށްފައެއް ނުވެ އެވެ.
.gif.gif&w=828&q=100)
ADVERTISE SLOT
Promote Your Brand Where It Matters Most
.webp&w=3840&q=100)
