ރާއްޖެ ޓީވީން ރައީސް މުޢިއްޒު ދެއްކުމުން، ނަޝީދަކަށް "ހަޖަމެއް ނުވި"

މުހައްމަދު ރިފާއު2026 ޖޫން 03

ރާއްޖެ ޓީވީން ރައީސް މުޢިއްޒު ދެއްކުމުން، އެމްޑީޕީގެ ޗެއާޕާސަން ކަމަށް ވާދަކުރަށްވާ ކުރީގެ ރައީސް މުޙައްމަދު ނަޝީދު އެކަމާ ހިތްހަމަ ނުޖެހުން ފާޅުކޮށްފި އެވެ.

ނަޝީދުގެ ސޯޝަލް މީޑީއާ ޓީމުން ޕޯސްޓުކޮށްފައިވާ ވީޑިއޯއަކުން ފެންނަ ގޮތުގައި ނަޝީދު ގެޔަކަށް ވަންނަން ދިޔަ ވަގުތު އެގޭގައި އަޅުވާހުރި ޓީވީން ހުރީ ރާއްޖެ ޓީވީ ފެންނާށެވެ. އަދި އެޓީވީން އެވަގުތު ދައްކަމުން ދިޔައީ ރައީސް ޑރ މުޢިއްޒުގެ މަންޒަރެކެވެ.

އެކަމާ ހިތްހަމަނުޖެހުން ފާޅުކުރަށްވާ ރާއްްޖެ ޓީވީން ރައީސް މުޢިއްޒު ދައްކަން ނުޖެހޭނެ ކަމަށް ނަޝީދު ވިދާޅުވެ އެވެ.

ރާއްޖެ ޓީވީ އަކީ އިދިކޮޅު އެމްޑީޕީގެ ފިކުރު ފެތުރުމަށް ގެންގުޅޭ ޕްރޮޕެގެންޑާ މެށިނެއްގެ ގޮތުގައި ގިނަ ބަޔަކު ސިފަ ކުރެއެވެ.