މިއަދުން ފެށިގެން މެލޭޝިއާގައި 16 އަހަރުން ދަށަށް ސޯޝަލް މީޑިއާ މަނާ

މުހައްމަދު ރިފާއު2026 ޖޫން 01

މަޝްހޫރު ސޯޝަލް މީޑިއާ ޕްލެޓްފޯމްތަކުގައި ބައިވެރިވާ މީހުންގެ އުމުރު ކަށަވަރުކުރުމާއި، 16 އަހަރުން ދަށުގެ ކުދިން އެ ޕްލެޓްފޯމްތަކުގައި އެކައުންޓް ހެދުން މަނާކުރާ ގާނޫނާއި ގަވައިދުތަކަށް މިއަދުން ފެށިގެން އަމަލުކުރަން ފަށައިފި އެވެ. 

މަޝްހޫރު ސޯޝަލް މީޑިއާ ޕްލެޓްފޯމްތަކުގައި ބައިވެރިވާ މީހުންގެ އުމުރު ކަށަވަރުކުރުމާއި، 16 އަހަރުން ދަށުގެ ކުދިން އެ ޕްލެޓްފޯމްތަކުގައި އެކައުންޓް ހެދުން މަނާކުރާ ގާނޫނާއި ގަވައިދުތަކަށް މިއަދުން ފެށިގެން އަމަލުކުރަން ފަށައިފި އެވެ. 

މި ގާނޫނާއި ގަވައިދު ހިނގާނީ މެލޭޝިއާގައި 8 މިލިއަން ޔޫޒަރުން ތިބި ކަމަށް ބެލެވޭ ފޭސްބުކް، އިންސްޓަގްރާމް، ޓިކްޓޮކް އަދި ޔޫޓިއުބް ފަދަ ބޮޑެތި ޕްލެޓްފޯމްތަކަށެވެ. މެލޭޝިއާގެ ކޮމިއުނިކޭޝަންސް ރެގިއުލޭޓަރު ބުނި ގޮތުގައި، މި ފިޔަވަޅުތައް ތަންފީޒުކުރުމަށްޓަކައި ކުންފުނިތަކަށް  ގްރޭސް ޕީރިއަޑެއްގެ ގޮތުގައި ދުވަސްކޮޅެއް ދޭނެ އެވެ. ނަމަވެސް މިއީ ކިހާ ދުވަހެއް ކަމެއް ނުބުނެ އެވެ.

ސޯޝަލް މީޑިއާގެ ސަބަބުން ކުޑަކުދިންގެ ނަފްސާނީ އަދި ޖިސްމާނީ ދުޅަހެޔޮކަމަށް ކުރާ ނޭދެވޭ އަސަރުތަކާ މެދު ދުނިޔޭގެ އެކި ކަންކޮޅުތަކުގައި ކަންބޮޑުވުން އިތުރުވަމުންދާއިރު، މެލޭޝިއާ ހިމެނެނީ ކުޑަކުދިން ސޯޝަލް މީޑިއާ ބޭނުންކުރުމާ ދެކޮަޅަށް ގާނޫނީ އޮނިގަނޑެއް އެކުލަވާލި މަދު ގައުމުތަކުގެ ތެރޭގަ އެވެ.

މެލޭޝިއަން ކޮމިއުނިކޭޝަންސް އެންޑް މަލްޓިމީޑިއާ ކޮމިޝަން (އެމްސީއެމްސީ) އިން ނެރުނު މައުލޫމާތު ކަރުދާހުގައިވާ ގޮތުން، އައިޑީ ކާޑު ނުވަތަ ޕާސްޕޯޓް ފަދަ ސަރުކާރުގެ ރަސްމީ ލިޔެކިޔުންތައް މެދުވެރިކޮށް ޔޫޒަރުންގެ އުމުރު ކަށަވަރުކުރަން ޖެހޭނެ އެވެ.

މެލޭޝިއާ ސަރުކާރުން ބުނާގޮތުގައި މި ފިޔަވަޅުތަކުގެ ބޭނުމަކީ ކުދިން އިންޓަނެޓާ ދުރުކުރުމެއް ނޫނެވެ. ނަމަވެސް، އުމުރާ ގުޅޭގޮތަށް ރައްކާތެރިކަމާ އެކު ސޯޝަލް މީޑިއާ ބޭނުންކުރުމުގެ ފުރުސަތު ހޯދައިދިނުމެވެ.