މިއަހަރުގެ އަމީރުލްޙައްޖަކީ އިޤްތިޞާދީ ވަޒީރު މުޙައްމަދު ސަޢީދު
މިއަހަރުގެ އަމީރުލްޙައްޖަކީ އިޤްތިޞާދީ ވަޒީރު މުޙައްމަދު ސަޢީދު ކަމަށް އިސްލާމީ ކަންތައްތަކާބެހޭ ވުޒާރާއިން ބުނެފިއެވެ.
އިސްލާމީ ކަންތައްތަކާ އައުޤާފާބެހޭ ވުޒާރާއިން ބުނީ މިއަހަރު ޙައްޖުވެރިންގެ އިސްވެރިއެއްގެ ގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކަނޑައަޅުއްވައިފައިވަނީ އިޤުތިޞާދީި ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވަޒީރު މުޙައްމަދު ސައީދު ކަމަށެވެ.
އަމީރުލްޙައްޖުގެ އިތުރުން މި އަހަރުގެ ދިވެހި ޙައްޖުވެރިންނާއެކު، އިސް ޝައިޚަކަށް ވަޑައިގަންނަވާނީ އިސްލާމީ ފަތުވާދޭ އެންމެ މަތީ މަޖިލީހުގެ މެންބަރު ޑރ. އިލްޔާސް ޙުސައިން ކަމަށް އިސްލާމީ ކަންތައްތަކާބެހޭ ވުޒާރާއިން ވަނީ ބުނެފައެވެ.
ޙައްޖުގެ އަޅުކަން އަދާކުރުމަށް ރާއްޖެއަށް ލިބެނީ 1000 ކޯޓާއެވެ. ރާއްޖެއިން މިއަހަރު ޙައްޖަށްދާ ހުރިހާ ޙައްޖުވެރިން މިހާރު ވަނީ މައްކާއަށް ގޮސްފައެވެ. އެގޮތުން އެންމެ ފަހު ގުރޫޕް ފުރީ މިއަދުކަން ފާހަގަ ކުރެވެއެވެ.
.gif.gif&w=828&q=100)
ADVERTISE SLOT
Promote Your Brand Where It Matters Most
އިތުރަށް
