އިލެކްޝަންސް ކޮމިޝަންގެ ރައީސް ޒާހިދު އިސްތިޢުފާ ދެއްވައިފި

ޒައުޖަތު އަޙުމަދު2026 މޭ 01

އިލެކްޝަންސް ކޮމިޝަންގެ ރައީސް މުޙައްމަދު ޒާހިދު އިސްތިޢުފާ ދެއްވައިފިއެވެ.

ޒާހިދު މަޤާމުން އިސްތިޢުފާ ދެއްވާފައިވާކަން އިލެކްޝަންސް ކޮމިޝަނުން ވަނީ ކަށަވަރު ކޮށްދެއްވާފައެވެ. ނަމަވެސް އިތުރު ތަފްސީލެއް ހާމަކޮށްފައެއް ނުވެއެވެ.

ކުރިން ހިއުމަން ރައިޓްސް އޮފް ދަ މޯލްޑިވްސް، އެޗްއާރުސީއެމްގައި މަސައްކަތް ކުރެއްވި ޒާހިދު އިލެކްޝަންސް ކޮމިޝަންގެ ރައީސް ކަމަށް ޢައްޔަން ކޮށްފައިވަނީ، މިދިޔަ 2025 ވަނަ އަހަރުގެ ފެބްރުއަރީ މަހުގެ 18 ވަނަ ދުވަހުއެވެ.

ޒާހިދު ކޮމިޝަންގެ ރައީސްގެ މަޤާމުން އިސްތިއުފާ ދެއްވިއިރު، ކޮމިޝަނުގެ މެމްބަރުންގެ ގޮތުގައި ރައީސް ހިމެނޭހެން 5 ބޭފުޅުން ތިއްބަވައެވެ.