ވޭމަންޑޫގެ ބިން ހިއްކާ ނިންމާލީ އެންމެ 23 ދުވަހުން!

ތ. ވޭމަންޑޫގެ ބިން، އެންމެ 23 ދުވަހުގެތެރޭގައި ހިއްކާ ނިންމާލައިފިއެވެ.

ވޭމަންޑޫގެ ބިން ހިއްކާ ނިމުމާއި ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހިއްސާކުރެއްވި މެސެޖެއްގައި ވިދާޅުވީ ވޭމަންޑޫގެ ބިން ހިއްކުމުގެ މަޝްރޫޢު ނިންމާފައިވާ ކަމަށެވެ.

އެމަނިކުފާނު ވިދާޅުވީ ވޭމަންޑޫގެ ބިން ހިއްކުމުގެ މަސައްކަތް ފަށާފައިވަނީ 12 މާރިޗް 2026 ގައި ކަމަށެވެ.

23 ދުވަހުން ވޭމަންޑޫގެ ބިން ހިއްކައި، 4 އޭ÷ްރީލްގައި ނިންމާފައިވާއިރު، މި މުއްދަތުގެތެރޭގައި ވަނީ 27 ހެކްޓަރުގެ ބިން ބިން ހިއްކައި އެ ރަށުގެ ޗާޓަށް ބޮޑު ބަދަލެއް ގެނެސްފައެވެ.

ވޭމަންޑުއަށް އިތުރު ކުރެވިގެން މި ދިޔައީ 882,693.00 ކިއުމިކް މީޓަރުގެ ސަރަހައްދެކެވެ.

ރާއްޖެއަށް ދިމާވެފައިވާ ގެދޮރުގެ ދަތިކަމާއި ބިމުގެ ދަތިކަން ހައްލު ކުރުމަށް ރައީސް ޑރ. މުޢިއްޒުގެ ސަރުކާރުން ބިން ހިއްކުމުގެ ބޮޑެތި މަޝްރޫޢުތައް ރާއްޖޭގެ އެކި އަތޮޅުތަކުގައި ހިންގަމުން އަންނަކަން ފާހަގަ ކުރެވެއެވެ.