ގއ. ވިލިނގިލީ ސްކޫލުގައި އަލިފާން ރޯވެއްޖެ

ޒައުޖަތު އަޙުމަދު2026 އޭޕްރީލު 02

ގއ. ވިލިނގިލީގައި ހުންނަ އެއަތޮޅު ތަޢުލީމީ މަރުކަޒުގައި އަލިފާން ރޯވެއްޖެއެވެ.

މީސްމީޑިއާގައި އާންމުވެފައިވާ ޥީޑިއޯތަކަށް ބަލާއިރު އެ ސްކޫލުގައި ވަރަށް ބޮޑަށް އަލިފާން ރޯވެފައިވެއެވެ.

މަޢުލޫމާތު ލިބިފައިވާ ގޮތުގައި ރޯވެފައި ވަނީ އެ ސްކޫލުގެ ސްޓާފްރޫމްގައެވެ.

އަލިފާން ރޯވީ ސްޓާފްރޫމުގައި ހުރި އޭސީއެއްގައި ކަމަަށް ސްކޫލުގެ އޮފިޝަލަކު ވިދާޅުވިއެވެ. ޕްރައިމަރީ ސްޓާފްރޫމުގައި ރޯވި އަލިފާން، ފަހުން ސްޓާފް ރޫމާ ޖެހިގެން ހުންނަ ޕްރިންޓު ރޫމާއި އެއް ކްލާސްރޫމަށް ފެތުރި އެ 3 ތަން އެއްކޮށް އަނދާފައިވާ ކަމަށް އޭނާ ވިދާޅުވި އެވެ.

ވިލިނގިލީ ރައްޔިތުންގެ އެއްބާރުލުމާއިއެކު، ބައި ގަޑިއެއްހާއިރުތެރޭ އަލިފާންގަނޑު ކޮންޓްރޯލްވެފައިވާ ކަމަށް ވެސް އޮފިޝަލް ވަނީ ވިދާޅުވެފައެވެ.

މި ހާދިސާ ހިނގާފައި ވަނީ މިރޭ 12 ގެ ފަހުންނެވެ.