ބޮޑުކަންނެލި މަސްވެރިންނަށް ތެލުގެ ސަބްސިޑީ ދޭން ސަރުކާރުން ނިންމައިފި

ޒައުޖަތު އަޙުމަދު2026 މާރިޗު 23

ބޮޑުކަންނެލި މަސްވެރިންނަށް ތެލުގެ ސަބްސިޑީ ދޭން ސަރުކާރުން ނިންމައިފިއެވެ.

މަސްވެރިކަމާއި ކަނޑުގެ ވަސީލަތްތަކާބެހޭ ވުޒާރާއިން ބުނީ ބޮޑު ކަންނެލި މަސްވެރިކަން ކުރާ ދޯނިތަކަށް އެސްޓިއޯ އިން ވިއްކާ ތެލަށް ސަބްސިޑީ ދިނުމަށް ސަރުކާރުން ނިންމައިފި ކަމަށެވެ.

އެ ވުޒާރާއިން ބުނީ ހުޅުމާލެ އެފްއެސްއެމް ޓާމިނަލުންނާއި ކ. ހިންމަފުށި އެފްއެސްއެމް ޝެޑުން ތެޔޮ އަޅާ ބޮޑު ކަންނެލި މަސްވެރިކަން ކުރާ ދޯނިތަކަށް މިއަދުން ފެށިގެން ސަބްސިޑައިޒް އަގުގައި ތެޔޮލިބޭނެ ކަމަށެވެ.

އެސްޓީއޯ އިން މިވަގުތު ޕެޓްރޯލް ލިޓަރެއް ވިއްކަނީ 16.01ރ. އަށެވެ. ޑީސަލް ލިޓަރެއްގެ އަގަކީ 17.54ރ. އެވެ. 

މި ސަރުކާރުން ވަނީ ބޮޑުކަންނެލި މަސްވެރިންނަށް ޚާއްޞަ އިސްކަމެއް ދީ އެ ސިނާޢަތުގެ މަސްވެރިންގެ އަތުން މަސްގަންނަން ފަށާފައިކަން ފާހަގަ ކުރެވެއެވެ.