ސިއްރުން ރާއްޖެއަށް އެތެރެކުރަން އުޅުނު ގިނަ އަދަދެއްގެ ސިނގިރޭޓް އަތުލައިގެންފި

ސިއްރުން ރާއްޖެއަށް އެތެރެކުރަން އުޅުނު ގިނަ އަދަދެއްގެ ސިނގިރޭޓް ކަސްޓަމްސްއިން ހިފަހައްޓައިފިއެވެ.

މިތަކެތި ކަސްޓަމްސްއިން ހިފަހައްޓާފައި ވަނީ ކަނޑުމަގުން އެތެރެ ކުރަން އުޅުމުގެ ތެރޭގައި މާލޭ ވިޔަފާރި ބަދަރުންނެވެ.

ކަސްޓަމްސްއިން ބުނީ 99،000 ސިނގިރޭޓް ސްޓިކް އަތުލައިގަތީ މި މާރިޗް މަހުގެ 9 ވަނަ ދުވަހު ކަމަށެވެ.

ރާއްޖެއަށް ސިނގިރޭޓް އެތެރެކުރުން މަނައެއް ނޫނެވެ. ނަމަވެސް އެކަން ކުރަންޖެހެނީ ޤާނޫނާއި ހެދިފައިވާ ހުންނަ ޤަވާޢިދުތަކާއި އެއްގޮތްވާ ގޮތުގެމަތިންކަން އެންމެންވެސް ޤަބޫލުކުރަން ޖެހެއެވެ.