ބޮޑުތަކުރުފާނު މަގުގެ ދެވަނަ ފިޔަވަހީގެ މަސައްކަތް ބާރަށް ކުރިއަށް

މާލޭ އުތުރު ފަރާތު ބޮޑުތަކުރުފާނު މަގު ތަރައްގީކުރުމުގެ މަޝްރޫއުގެ ދެވަނަ ފިޔަވަހީގެ މަސައްކަތްތައް ބާރުމިނެއްގައި ކުރިއަށްދާ ކަމަށް އެމްޓީސީސީން ބުނެފިއެވެ.

އެ ކުންފުނިން ބުނީ މިހާރު ކުރިއަށްދަނީ ޝީޓް ޕައިލް ކުރުމުގެ މަސައްކަތް ކަމަށާއި ފެން ހިންދާ ނިޒާމާއި ސެޓްލްމަންޓް ޓޭންކްތަކުގެ މަސައްކަތުގެ 50 އިންސައްތަ ވަނީ ނިމިފައި ކަމަށެވެ.

މީގެ އިތުރުން، ހިނގާ މީހުންނަށް ޚާއްސަ އާ ލޭނުގައި ކާރބްސްޓޯން ޖެހުމުގެ މަސައްކަތް ފަށާފައިވާއިރު، ފެނާއި ނަރުދަމާގެ އައު ހޮޅިތައް އެޅުމުގެ މަސައްކަތްވެސް ދަނީ ކުރިއަށް ކަމަށް އެމްޓީސީސީން ބުންޏެވެ.

މި މަޝްރޫއުގެ ސަބަބުން މާލޭގެ މަގުތައް ޒަމާނީ ފެންވަރަށް ތަރައްގީވެ، ހިނގާބިނގާވެ އުޅޭ މީހުންނަށް ފަސޭހަވެގެންދާނެއެވެ.