ހިޔާގެ 4 ޓަވަރެއްގައި އިތުރު ލިފްޓު ހަރުކޮށް ބޭނުން ކުރަން ފަށައިފި

ހިޔާގެ 4 ޓަވަރެއްގައި އިތުރު ލިފްޓު ހަރުކޮށް ބޭނުން ކުރަން ފަށައިފިއެވެ.

ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީން ބުނީ ހިޔާ ފްލެޓްތަކުގެ 4 ޓަވަރެއްގައި ލިފްޓު ހަރުކޮށް އާންމުންނަށް ހުޅުވައިލައިފައިވާކަމަށެވެ.

އެޗްޑީސީން ބުނީ ހިޔާ ޓަވަރުތަކުގައި އިތުރުކުރޭ ލިފްޓުތަކުގެ މަސައްކަތުގެ، %75 މަސައްކަތް މިހާރު ނިމިފައިވާ ކަމަށާއި ޓަވަރު 1، 2، 3 އަދި 4ގެ %100 މަސައްކަތް ނިމި އާންމުންނަށް މިހާރު ބޭނުން ކުރެވޭނެކަމަށެވެ.

އެ ކުންފުނިން ބުނީ ދެން އެންމެ އަވަހަށް މަސައްކަތްނިމި ޚިދުމަތް ދެވެން ފަށާނީ ޓަވަރު 5 އަދި 6 ކަމަށާއި އެ ދެ ޓަވަރުގެ ވެސް %90 މަސައްކަތް ނިމިފައިވާކަމަށެވެ.

އެޗްޑީސީން ބުނީ ޓަވަރުތަކުގައި ހަރުކުރެވޭ އައު ލިފްޓުތަކުގައި ބަލި މީހުން އުފުލޭނެ އިންތިޒާމާއި ސްޓްރެޗަރ އެރުވޭނެ ގޮތަށް ހުންނާނެ ކަމަށާއި ލޮލުގެ ފެނުމުން މަޙްރޫމްވެފައިވާ ފަރާތްތަކަށް ޚާއްޞަކޮށްގެން ފްލޯ ނަންބަރު ބްރެއިލްއިން ހަރުކުރެވިފައި ހުންނާނެކަމަށެވެ.