ޔުނައިޑެޓްގައި މައްސަލައަކީ ރޮނާލްޑޯއެއް ނޫން: ޓެން ހާގް

މެންޗެސްޓާ ޔުނައިޓެޑްގައި ކްރިސްޓިއާނޯ ރޮނާލްޑޯއާ އެކު ހޭދަކުރި މަދު ދުވަސްތަކުގެ ތެރޭގައި އޭނާއާ ދެމެދު ޖެހުނީ މައްސަލަ އެއް ނޫން ކަމަށް ޔުނައިޓެޑްގެ ކުރީގެ ކޯޗު، ނެދަލެންޑްސްގެ އެރިކް ޓެން ހާގް ބުނެފި އެވެ.

ބަޔާ ލެވަކޫސަންގެ ކޯޗަކަށް ހުރި، ޓެން ހާގް ބުނީ ޔުނައިޓެޑްގެ މައްސަލަ އަކީ ރޮނާލްޑޯ ނޫން ކަމަށާއި، ހިނގާދިޔަ ކަމެއް އެ އޮތީ މާޒީގައި ކަމަށް ވެސް ޓެން ހާގް ވަނީ ބުނެފަ އެވެ.

ޓެން ހާގް ބުނީ ރޮނާލްޑޯ ނުލައި ޔުނައިޓެޑުން ދެ ތަށި ހޯދައިފައިވާނެ ކަމަށެވެ. އަދި، އަބަދު ވެސް ރޮނާލްޑޯ އަށް އިހުތިރާމް ކުރާ ކަމަށާއި، އެދެނީ ރޮނާލްޑޯ އަށް ކާމިޔާބު ކަމަށެވެ.

އޭނާ އަކީ ކޮންމެ ޓީމެއްގައި ވެސް ތަށި ހޯދައިފައިވާނެ ކޯޗެއް ކަމަށް ބުނެ، ޓެން ހާގް ވަނީ ލެވަކޫސަންގައި ވެސް އެކަން ތަކުރާރުކުރެވޭނެ ކަމުގެ ޔަގީންކަން އެބައޮތް ކަމަށެވެ.