ސަމާލުވޭ! ގެދޮރުވެރިޔާ މަޝްރޫއާ ގުޅޭ ސްކޭމް މެސެޖުތަކެއް!

ގެދޮރުވެރިޔާގެ ސްކީމްގެ ފްލެޓްތަކާ ގުޅޭގޮތުން ސްކޭމްގެ މެސެޖުތަކެއް ފޮނުވާތީ އެކަމަށް ސަމާލުވުމަށް ފުލުހުން މިއަދު އިލްތިމާސްކޮށްފި އެވެ.

ފުލުހުން ސޯޝަލް މީޑިއާގައި ކުރި ޕޯސްޓުގައި ބުނީ ގެދޮރުވެރިޔާ ސްކީމްގެ ދަށުން ފްލެޓު ހޯދަން ކުރިން ހުށަހަޅާފައިވާ ފޯމުތައް ބާތިލްކޮށް، އަލުން ފޯމު ހުށަހެޅުމުގެ ފުރުސަތު ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހުރިހާ ދިވެހިންނަށް ހުޅުވާލާފައިވާ ކަމަށާއި އެ ސްކީމަށް ބޭނުންވާ ފޯމު ވެސް ވެބްސައިޓުން ލިބެން ހުންނާނެ ކަމަށް ބުނެ ލިންކަކާއެކު ސްކޭމް މެސެޖެއް ފޮނުވަމުންދާ ކަމަށެވެ.

އެއީ ސައްހަ މެސެޖަކަށް ނުވާތީ އެކަމަށް ސަމާލުވުމަށް ފުލުހުން ވަނީ އެވެ.