15 ރުފިޔާގެ މައްސަލައެއްގައި މީހަކަށް އަނިޔާކޮށް މޫދައް އެއްލާލައިފި

15 ރުފިޔާގެ ވައްކަމެއް ކުރި ކަމަށް ތުހުމަތު ކުރެވުނު މީހަކަށް ބަޔަކު އަނިޔާކޮށް މޫދަށް އެއްލައިލާ މަންޒަރު ފެންނަ ވީޑިއޯއެއް ސޯޝަލް މީޑިއާގައި އާއްމު ވެއްޖެއެވެ.

ރޭ އާއްމުކޮށްފައިވާ އެ ވީޑިއޯއިން ފެންނަ ގޮތުގައި އެމީހާ ބިންމައްޗަށް ވައްޓާލައިގެން ބައެއް މީހުން އޭނަ ގައިގަ ފައިން ތަޅާ މަންޒަރު ފެނެއެވެ. އަދި މަގުމަތީގައި ދަމާފައި ގެންގޮސް މޫދައް އެއްލާލައި މަންޒަރު މި ވީޑިއޯއިން ފެނެއެވެ.

މީގެ އިތުރުން އެ ސަރަހައްދުގައި ތިބި މީހުން އޭނައަށް އަނިޔާކުރުމަށް ގޮވާލާ ހިއްވަރުދޭ މަންޒަރު މި ވީޑިއޯއިން ފެނެއެވެ.

ފުލުހުން ރޭ ބުނީ އެ މައްސަލަ ފުލުހުންނަށް ހުށަހަޅާފައި ނުވާ ކަމަށާއި ނަމަވެސް ފުލުހުންގެ ސަމާލުކަމަށް އައުމުން އެކަން ބަލަމުން އަންނަ ކަމަށެވެ.