4000 ފުލެޓް- ފުލެޓް ލިބުނު ފަރާތްތަކުން އެއްބަސްވުމުގައި ސޮއިކުރަން ފަށައިފި!

ގެދޮރުވެރިޔާ ސްކީމްގެ ދަށުން އިމާރާތް ކޮށްފައިވާ 4000 ހައުސިން ޔުނިޓުން ފުލެޓް ލިބުނު ފަރާތްތަކުން އެއްބަސްވުމުގައި ސޮއިކުރަން ފަށައިފިއެވެ.

ސޮއިކުރުމުގެ މަސައްކަތް ކުރިއަށްދަނީ ހުޅުމާލެ ސިންތެޓިކް ޓްރެކް ސަރަހައްދުގައެވެ.

ފުލެޓް އެއްބަސްވުމުގައި ސޮއިކުރަން ދާން ޖެހެނީ ފަހި ދިރިއުޅުން ކޯޕަރޭޝަނުން، އެދުވަހެއްގައި ސޮއިކުރަން ދާން އަންގާ މީހުން އެކަންޏެވެ. އެދުވަހެއްގައި ސޮއިކުރަން ދާންޖެހޭ މީހުންނަށް އެކަން އަންގަނީ އެސްއެމްއެސް މެދުވެރިކޮށެވެ. އެސްއެމްއެސް ލިބުމުން، ސޮއިކުރަން ދިއުމުގެ ކުރިން ބޭނުންވާނެ ލިޔެކިޔުންތައް ފަހި ދިރިއުޅުން ކޯޕަރޭޝަންގެ "ފަހި ޕޯޓަލް" އަށް އަޕްލޯޑްކުރަންވާނެކަމަށް އެ ކޯޕަރޭޝަނުން މަޢުލޫމާތުދެއެވެ.

މި އެއްބަސވުމުގައި ސޮއިކުރުން ކުރިއަށްދާނީ ހެނދުނު 09:00 ން ހަވީރު 04:00 އަށް ކަމަށް އެ ކޯޕަރޭޝަނުން ވަނީ ބުނެފައެވެ.