ހިޔާވެހި ފައިނޭންސް ލިބޭ ކަމުގެ ލިޔުން ހަވާލުކުރަން ފަށައިފި

ހިޔާވެހި ފައިނޭންސިންގ ޕްރޮގްރާމްގެ ދަށުން ދޫކުރުމަށް ހަމަޖެހިފައިވާ ފައިނޭންސް ލިބޭ ކަމުގެ ލިޔުން ހަވާލުކުރަން ފަށައިފިއެވެ.

މި ޕްރޮގްރާމް ފެށުމުގެ ރަސްމިއްޔާތު ގެދޮރުވެރިކަމާއި އިމާރާތް ކުރުމާއި ބިނާރާބެހޭ ވުޒާރާގެ ފަރާތުން މިއަދު ވަނީ ބާއްވާފައެވެ.

ހިޔާވެހި ފައިނޭންސިންގ ޕްރޮގްރާމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދުފުޅެއްކަމުގައިވާ ދިވެހި ރައްޔިތުންގެ ތެރެއިން ގެދޮރު އިމާރާތްކުރުމަށް ލުއި ގޮތެއް ބޭނުންވެފައިވާ ފަރާތްތަކަށް، ބޯހިޔާވަހިކަން ޤާއިމްކުރެވޭނެ މަގު ފަހިކޮށްދިނުނަށްޓަކައި 5 އިންސައްތައިގެ ރޭޓުގައި ހިންގާ އިސްލާމިކް ފައިނޭންސިންގ ޕްރޮގްރާމެކެވެ.

ގެދޮރުވެރިކަމާބެހޭ ވުޒާރާއިން ހާމަކުރި ގޮތުގައި މި ޕްރޮގްރާމުގެ ދަށުން މިހާތަނަށް 23 އެޕްލިކޭޝަނެއް އެޕްރޫވްކުރެވިފައިވާއިރު އޭގެ ތެރެއިން 15 ފަރާތަކާ މިއަދު ލިޔުން ހަވާލުކޮށްފައިވެއެވެ.