އުތުރުގެ 12 ރަށެއްގައި ގްރީންހައުސް ޤާއިމުކޮށްފި

މުހައްމަދު ރިފާއު2025 ޖުލައި 06

ތިމާވެއްޓާރަށްޓެހި ދެމެހެއްޓެނިވި ދަނޑުވެރިކަން ތަޢާރަފްކުރުމުގެ ގޮތުން އުތުރުގެ 12 ރަށެއްގައި ގްރީންހައުސްތައް ޤާއިމުކޮށްފައިވާކަމަށް ދަނޑުވެރިކަމާއި ދިރާތަކެއްޗާ ބެހޭ ވުޒާރާއިން ވިދާޅުވެއްޖެއެވެ.

އެގްރިބިޒްނަސް މެޗިން ގްރާންޓް ޕްރޮގްރާމްގެ ނަމުގައި ކުރިއަށް ގެންދާ އެ ސްކީމް އަމާޒުކޮށްފައި ވަނީ މޯލްޑިވްސް އެގްރިބިޒްނަސް ޕްރޮގްރާމް (މެޕް)ގެ ހަރަކާތްތައް ކުރިއަށް ގެންދާ ހއ. ހދ. އަދި ށ. އަތޮޅުގެ 26 ރަށުގެ ދަނޑުވެރިންނާއި ދަނޑުވެރިކަމުގައި ހަރަކާތްތެރިވާ ކުދި އަދި މެދު ފަންތީގެ ވިޔަފާރިތަކަށެވެ.

ގްރީން ހައުސްގައި ދަނޑު ހައްދާފައިވާ ރަށްތައް

- ހދ. މަކުނުދޫ

- ހދ. ނޭކުރެންދޫ

- ހދ. ނޮޅިވަރަމްފަރު

- ހދ. ވައިކަރަދޫ

- ހއ. ކެލާ

- ހއ. އުލިގަމު

- ހއ. މޮޅަދޫ

- ހއ. ފިއްލަދޫ

- ށ. ނަރުދޫ.

- ށ. ގޮއިދޫ

- ށ. ފޯކައިދޫ

ގްރީން ހައުސްތައް ގާއިމްކޮށް ދަނޑުވެރިން ޒަމާނީ ދަނޑުވެރިކަމަށް އަހުލުވެރި ކުރުމުގެ އިތުރުން ތިން އަތޮޅެއްގެ 26 ރަށުގައި ކުރިއަށް ގެންދާ މެޕް ޕްރޮޖެކްޓުގެ ދަށުން ދަނޑުވެރިންނަށް ތަމްރީނާއި މައުލޫމާތުގެ އިތުރުން މާލީ އެހީތެރިކަން ވެސް ފޯރުކޮށްދެ އެވެ.

ދަނޑުވެރިކަމާ ބެހޭ ވުޒާރާއިން ވިދާޅުވީ މެޕްގެ ދަށުން ހިންގާ މިޕްރޮގްރާމްތަކުގެ އަމާޒަކީ ދަނޑުވެރިކަމަކީ ރާއްޖޭގެ އިޤުތިޞާދަށް މަންފާ ލިބޭ ސިނާޢަތެއްގެ ގޮތުގައި ހެދުން ކަމަށެވެ. އަދި ބޭރުން އެތެރެކުރާ ކާބޯތަކެތީގެ ބާވަތްތައް މަދުކޮށް ދިވެހި ދަނޑުފަނގުތަކުން ސީދާ ނަފާ ލިބޭނެހެން، ކާނާގެ ޔަޤީންކަން އިތުރުކުރުމަކީވެސް މެޕްގެ މަޤުޞަދެއްކަމަށް އެ ވުޒާރާއިން ވިދާޅުވިއެވެ.