ކޮންސްޓްރަކްޝަން އިންޑަސްޓްރީ ފޯރަމްގެ އޮފިޝަލް އިންޝުއަރެންސް ޕާޓްނަރުގެ ގޮތުގައި އެލައިޑް އިންޝުއަރެންސްއިން ބައިވެރިވެއްޖެ

މުހައްމަދު ރިފާއު2026 އޯގަސްޓު 18

ޢިމާރާތްކުރުމުގެ ދާއިރާގެ މުހިންމު މަޝްވަރާތަކާއި ފުރުޞަތުތަކާ ގުޅޭގޮތުން މަޝްވަރާކުރުމަށް ބޭއްވި "ކޮންސްޓްރަކްޝަން އިންޑަސްޓްރީ ފޯރަމް (ސީއައިއެފް) 2026" ގެ އޮފިޝަލް އިންޝުއަރެންސް ޕާޓްނަރުގެ ގޮތުގައި އެލައިޑް އިންޝުއަރެންސް ކޮމްޕެނީއިން ބައިވެރިވެއްޖެއެވެ.

ގްރޭންޑް ޕާކްސައިޑްގައި މިއަދު ބޭއްވި މި ފޯރަމަކީ ކޮންސްޓްރަކްޝަން ދާއިރާގެ ކަމުވޮށިގެންވާ ފަރާތްތަކާއި، ކާރުޚާނާތަކުގެ އިސްވެރިންނާއި، ކަމާގުޅޭ އެކި ފަރާތްތައް އެއްކޮށް، ދާއިރާއަށް ކުރިމަތިވެފައިވާ ގޮންޖެހުންތަކާއި ކުރިއެރުންތަކާ މެދު މަޝްވަރާކުރުމަށް ބޭއްވި ފޯރަމެކެވެ.

ފޯރަމްގައި އެލައިޑްގެ ބައިވެރިވުން:

• ޕެނަލް މަޝްވަރާ:އެލައިޑްގެ ފަރާތުން ކަސްޓަމަރ ސަރވިސް މެނޭޖަރު ޙުސައިން ސަވާދު ވަނީ "ރީ-އެންޖިނިއަރިންގ ސަޕްލައި ޗެއިންސް އިން އެން އޭޖް އޮފް ގްލޯބަލް ކޮންފްލިކްޓް" މައުޟޫޢަށް ކުރިއަށްދިޔަ ޕެނަލް މަޝްވަރާގައި ބައިވެރިވެވަޑައިގެންފައެވެ. މި ސެޝަންގައި ދުނިޔޭގެ މަޝްރަޙަށް އަންނަ ބަދަލުތަކާއެކު ސަޕްލައި ޗެއިނަށް ކުރިމަތިވާ ގޮންޖެހުންތަކާއި، އެކަންކަމަށް ތައްޔާރުވެ ރެޒިލިއަންސް ވަރުގަދަކުރުމުގެ މުހިންމުކަމާ ގުޅޭގޮތުން މަޝްވަރާކުރެވުނެވެ.
• ޚާއްޞަ ޕްރެޒެންޓޭޝަން:އެލައިޑްގެ އެސިސްޓެންޓް މެނޭޖަރު ސޭލްސް މަރިޔަމް އަސްނާ ވަނީ "ސޭފްގާޑް ޔުއަރ ކޮންސްޓްރަކްޝަން ޕްރޮޖެކްޓްސް" މައުޟޫޢަށް ޕްރެޒެންޓޭޝަނެއް ހުށަހަޅުއްވާފައެވެ. މި ޕްރެޒެންޓޭޝަންގައި ކޮންސްޓްރަކްޝަން މަޝްރޫޢުތައް ކުރިއަށްދާއިރު ދިމާވެދާނެ ނުރައްކާތަކުން ރައްކާތެރިވުމަށް ރިސްކް މެネޖްމަންޓާއި އެކަށީގެންވާ އިންޝުއަރެންސް ރައްކާތެރިކަން ހޯދުމުގެ މުހިންމުކަމުގެ މައްޗަށް އަލިއަޅުވާލައްވާފައިވެއެވެ.

މިފަދަ ފޯރަމްތަކުގައި ބައިވެރިވުމުގެ މައިގަނޑު މަޤްޞަދަކީ ދާއިރާގެ އެކި ފަރާތްތަކާއެކު އޮންނަ ގުޅުން ބަދަހިކޮށް، ރާއްޖޭގެ ކޮންސްޓްރަކްޝަން ދާއިރާއަކީ ސާބިތު އަދި ދެމެހެއްޓެނިވި ދާއިރާއަކަށް ހެދުމަށް ކުރެވޭ މަސައްކަތްތަކަށް އެއްބާރުލުން ދިނުން ކަމަށް އެލައިޑުން މައުލޫމާތުދެއެވެ.