ޣައްޒާގައި އިސްރާއީލުން ދިން ހަމަލާއެއްގައި އަލްޖަޒީރާގެ ކެމެރާމަނެއް ޝަހީދުކޮށްލައިފި

މުހައްމަދު ރިފާއު2026 ޖޫން 21

ޣައްޒާގެ މެދުތެރޭގައި އޮންނަ ބުރައިޖް ރެފިއުޖީ ކޭމްޕްގައި ހުރި ގެއަކަށް އިސްރާއީލުން ދިން ވައިގެ ހަމަލާއެއްގައި، އަލްޖަޒީރާ މުބާޝިރުގެ ކެމެރާމަން އަހުމަދު ވިޝާހް ޝަހީދުކޮށްލައިފިއެވެ. އިއްޔެ ދިން މި ހަމަލާގައި އަހުމަދުގެ އިތުރުން އެހެން މީހަކު ވެސް ޝަހީދުވެ، ފަލަސްތީނުގެ އިތުރު މީހަކު ވަނީ ޒަޚަމްވެފައެވެ.

މި ހާދިސާއާ ގުޅިގެން އަލްޖަޒީރާ މީޑިއާ ނެޓްވޯކުން ނެރުނު ބަޔާނެއްގައި، އިސްރާއީލުން ގަސްތުގައި އަހުމަދު ވިޝާހް ޝަހީދުކޮށްލި ކޮށްލުން ހަރުކަށި އިބާރާތުން ވަނީ ކުށްވެރިކޮށްފައެވެ. އަދި އޮކްޓޯބަރު 2023 ގައި އިސްރާއީލުން ފެށި ލޭއޮހޮރުވުން ބޮޑު ހަނގުރާމައަށްފަހު ޣައްޒާގައި ޝަހީދުކޮށްލި އަލްޖަޒީރާގެ 12 ވަނަ މީޑިއާ މުވައްޒަފަކީ އަހުމަދު ކަމަށް އެ ނެޓްވޯކުން ފާހަގަކުރިއެވެ.

އަހުމަދު ވިޝާހް އަކީ މިދިޔަ އޭޕްރީލް މަހުގެ 8 ވަނަ ދުވަހު އިސްރާއީލުގެ ހަމަލާއެއްގައި ޝަހީދުކޮށްލި އަލްޖަޒީރާގެ ނޫސްވެރިޔާ މުޙައްމަދު ވިޝާހްގެ ބޭބެ ވެސްމެނެވެ. އިސްރާއީލު ސިފައިން ވަނީ އެއްވެސް ހެއްކެއް ނެތި، އަހުމަދަކީ ހަމާސްގެ "ޓެރަރިސްޓެއް" ކަމަށް ތުހުމަތުކޮށްފައެވެ. ނަމަވެސް އަލްޖަޒީރާއިން ވަނީ އެ ތުހުމަތުތައް ދޮގުކޮށް، އެއީ ޣައްޒާގައި ނޫސްވެރިންނާ ދެކޮޅަށް ހިންގާ ޖަރީމާތައް ފޮރުވުމަށް އިސްރާއީލުން ހިންގާ ކެމްޕޭނެއް ކަމަށް ބުނެފައެވެ.

ބުރައިޖް ކޭމްޕަށް ދިން ހަމަލާއާއެކު، އިއްޔެ އެކަނިވެސް އިސްރާއީލުގެ ހަމަލާތަކުގައި ޣައްޒާއިން 10 މީހުން ޝަހީދުވިއެވެ. މީގެ ތެރޭގައި ޣައްޒާ ސިޓީގެ މެދުތެރޭގައި ހުރި ގެއަކަށް ދިން ހަމަލާއެއްގައި ޝަހީދުވި އެއް އާއިލާއެއްގެ 4 މީހުން ހިމެނެއެވެ. އޭގެ ތެރޭގައި ދެ ކުޑަކުދިން ވެސް ހިމެނެއެވެ. މީގެ އިތުރުން ބައިތު ލާހިޔާ އާއި ޚާން ޔޫނިސް ސަރަހައްދަށް ވެސް އިސްރާއީލުން ވަނީ ހަމަލާތައްދީފައެވެ.

އޮކްޓޯބަރު 2023 ގެ ފަހުން މިހާތަނަށް ފަލަސްތީނުގެ މަދުވެގެން 260 ނޫސްވެރިން އިސްރާއީލުގެ ހަމަލާތަކުގައި ޝަހީދުވެފައިވެއެވެ. ނޫސްވެރިންގެ ރައްކާތެރިކަމާ ބެހޭ ކޮމިޓީ (CPJ) އިން ބުނާގޮތުގައި، އިސްރާއީލުން ނޫސްވެރިން ޝަހީދުކޮށްލުމަށްފަހު، އެއްވެސް އިތުބާރުހުރި ހެއްކެއް ނެތި އެއީ ޓެރަރިސްޓުން ކަމަށް ތުހުމަތުކުރުމަކީ އާންމުކޮށް ކުރާ ކަމެކެވެ.

ޣައްޒާގެ ހެލްތު މިނިސްޓްރީގެ އެންމެ ފަހުގެ ތަފާސްހިސާބުތައް ދައްކާގޮތުން، ހަނގުރާމަ ފެށުނު ފަހުން މިހާތަނަށް ޣައްޒާއިން 73,018 މީހުން ޝަހީދުވެ، 173,273 މީހުން ވަނީ ޒަޚަމްވެފައެވެ. އަދި މިދިޔަ އޮކްޓޯބަރު މަހު "ހަމަލާބަދަލުކުރުން ހުއްޓާލުން" އިއުލާނުކުރި ފަހުން ވެސް، އިސްރާއީލުން ހުއްޓުމެއްނެތި ދެމުންދާ ހަމަލާތަކުގައި 1,007 މީހުން ޝަހީދުވެ، 3,165 މީހުން ވަނީ ޒަޚަމްވެފައެވެ.