ކަންމަތީ ފިހާރައަކުން ބޮޑު ކޮފީ ފުޅިއެއް ވަގަށް ނެގި މީހަކު ޖަލަށް

މުހައްމަދު ރިފާއު2026 ޖޫން 17

ދެކުނުގެ ރަށެއްގެ ކަންމަތީ ފިހާރައަކުން ބޮޑު ކޮފީ ފުޅިއެއް ވަގަށް ނެގި މީހަކު ޖަލަށްލާން ހުކުމްކޮށްފިއެވެ.

 މާލޭން ދެކުނުގެ އެ ރަށުގައި، މިދިޔަ އަހަރުގެ ނޮވެންބަރު މަހުގެ 18 ވަނަ ދުވަހު، ފިހާރައަކުން ކޮފީ ފުޅިއެއް ވަގަށް ނެގި މައްސަލައިގައި ދައުލަތުން ދައުވާކޮށްފައިވަނީ އެ ހާދިސާ ހިނގި ރަށުގެ ފިރިހެނަކާ ދެކޮޅަށެވެ.

މައްސަލަ ނިންމި ގޮތުގެ ރިޕޯޓުގައި ބަޔާންކޮށްފައިވާ ގޮތުގައި، ނޮވެމްބަރު މަހުގެ 18 ވަނަ ދުވަހުގެ ރޭ ހިނގި މި ހާދިސާގެ ޝަރިއަތުގައި ދައުވާ ލިބުނު މީހާވަނީ ކުށަށް އިއުތިރާފުވެފައެވެ. ޝަރިއަތުގައި ކުށަށް އިއުތިރާފުވެ، ކޮފީ ފުޅީގެ އަގަށްވާ ފައިސާ ދައްކައިފައި ވާނެ ކަމަށްވެސް ދައުވާ ލިބުނު މީހާވަނީ ޝަރިއަތުގައި ބުނެފައެވެ. ކޮފީ ފުޅި ވަގަށް ނެގިއިރު، އޭގައި ހުރީ ކޮފީ ނޫން ކަމަށާއި، އޭނގައި ހުރީ މަސްމިރުސް ކަމަށް މައްސަލަ ނިމުނު ގޮތުގެ ރިޕޯޓުގައި ބަޔާންކޮށްފައިވެއެވެ. އެކަމަކު، ކޮފީ ނެތްނަމަވެސް، މައްސަލައިގެ ކުށުގެ ދަރަޖަށް އަދި އަދަބުގެ މިންވަރަށް ބަދަލެއް ނާންނާނެ ކަމަށް މައްސަލަ ނިމުނު ގޮތުގެ ރިޕޯޓުގައި ބަޔާންކޮށްފައިވެއެވެ.

މި މައްސަލައިގައި ދައުލަތުން އެ މީހާގެ މައްޗަށް އުފުލާފައިވަނީ ވައްކަމުގެ ދައުވާއެވެ. މި މައްސަލައިގައި އޭނާގެ މައްޗަށް ކުށް ސާބިތުވެ، އެއް މަހާއި 24 ދުވަހަށް ޖަލަށްލާން ހުކުމް ކުރިނަމަވެސް، އޭނާގެ ހާލަތަށް ބަލައި، އަދި ކުށަށް އިއުތިރާފުވެފައިވާތީ އަދަބުވަނީ ތިން މަސް ދުވަހަށް ގޭ ބަންދު ކުރުމަށް ބަދަލުކޮށްފައެވެ. އަދި ގެއްލުމުގެ ބަދަލުގެ ގޮތުގައި 200 ރުފިޔާ ނަގައިދީފައިވެއެވެ.