މަޖިލިހުގެ ނައިބު ރައީސް ހޮވުމުގެ ޖަލްސާ މާދަމާ އަށް ފަސްކޮށްފި
ރައްޔިތުންގެ މަޖިލިހަށް އާ ނައިބު ރައީސަކު އިންތިހާބު ކުރުމުގެ ޖަލްސާ މާދަމާ އަށް ފަސްކޮށްފި އެވެ.
މަޖިލިހުގެ ނައިބު ރައީސްގެ މަގާމުގައި ހުންނެވި ދިއްގަރު ދާއިރާގެ މެމްބަރު އަހުމަދު ނާޒިމްގެ އިތުބާރު ނެތްކަމުގެ މައްސަލަ މިއަދުގެ ހެނދުނުގެ ޖަލްސާ އަށް ތާވަލް ކޮށްފައި ވަނިކޮށް، ޖަލްސާ ފެށުމުގެ ކުޑައިރުކޮޅެއް ކުރިން އޭނާ އިސްތިއުފާ ދެއްވުމާ އެކު، އެ މަގާމު ވަނީ ހުސްވެފަ އެވެ.
އެހެންވެ، މަޖިލިހުގެ ރައީސް އަބްދުއްރަހީމް އަބްދުﷲ ހެނދުނުގެ ޖަލްސާގައި އިއުލާން ކުރެއްވީ މިއަދުގެ މެންދުރު އެކެއް ޖަހާއިރު އިތުރު ޖަލްސާއެއް ބާއްވާނެ ކަމަށެވެ. ނަމަވެސް މަޖިލިހުގެ އިދާރާ އިން ފަހުން އިއުލާންކުރި ގޮތުގައި ޖަލްސާއެއް ދެން ބާއްވާނީ މާދަމާގަ އެވެ.
މޭ 28، 2024 އިން ފެށިގެން ރައްޔިތުންގެ މަޖިލިހުގެ ނައިބު ރައީސްގެ މަގާމުގެ ޒިންމާ އަދާކުރައްވަމުން ގެންދަވާ ނާޒިމްގެ އިތުބާރު ނެތްކަމުގެ މައްސަލައެއް ޕީއެންސީގެ ޕާލަމެންޓްރީ ގުރޫޕުގެ 73 މެމްބަރަކު ސޮއިކުރައްވައި ހުށަހެޅީ މަޖިލީހުގެ މަސްލަހަތު ނަގާލުން ހިމެނޭ ގޮތުން ބޮޑެތި ތުހުމަތުތަކެއް އޭނާގެ މައްޗަށް ކުރެވޭތީ ކަމަށް އެ މައްސަލައިގެ ގަރާރުގައި ވެ އެވެ.
އޭގެ ތެރެއިން އެއް ސަބަބަކީ މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ނަގާ ކަމުގެ ތުހުމަތެވެ. އަދި ދެވަނަ ތުހުމަތަކީ މަޖިލީހުގެ މަސްލަހަތު ނަގާލަން ހިތްވަރުދީ ޒިންމާއިން ބަރީއަވުން ކަމަށް އެ ގަރާރުގައިވެ އެވެ.
މަޖިލީހުގެ ނައިބު ރައީސްއަށް ގެންނާނެ ބޭފުޅަކު އަދި ޕީއެންސީ ތެރެއިން ނިންމާފައެއް ނުވެއެވެ.
.gif.gif&w=828&q=100)
ADVERTISE SLOT
Promote Your Brand Where It Matters Most
އިތުރަށް
