ޢީދުގެ މުނާސަބަތުގައި މިރޭ ހަވާ އަރުވަނީ

ޒައުޖަތު އަޙުމަދު2026 މޭ 30

މިއަހަރުގެ އަޟުޙާ ޢީދުގެ ހަރަކާތްތައް ނިންމުމުގެ ގޮތުން މިރޭ ހަވާ އަރުވަން ހަމަޖެހިފައިވާ ކަމަށް ޤައުމީ ދިފާޢީ ބާރު، އެމްއެންޑީއެފުން ބުނެފިއެވެ.

އެމްއެންޑީއެފުން ބުނީ ހަވާ އަރުވާނީ ވިލިމާލެއާ ދިމާ ބޭރުން ކަމަށެވެ.

އެ އިދާރާއިން ބުނީ ހަވާ އަރުވާނީ މިރޭ 21:45އާއި 22:15އާ ދެމެދުގެ ވަގުތެއްގައި ކަމަށެވެ.

ހަވާ އެރުވުން ކުރިއަށްދާނީ ގާތްގަނޑަކަށް 5 މިނެޓެއް ހާއިރު ކަމަށް ވެސް އެމްއެންޑީއެފުން ބުންޏެވެ.

އެމްއެންޑީއެފުން ވިލަރެސްކޮށްގެން، މި އަހަރުގެ ބަރަކާތްތެރި އަޟްޙާ ޢީދުގެ އުފަލުގައި "ޢީދު ހަވީރު 1447" ނަމުގައި ހަރަކާތްތައް ކުރިއަށް ގެންގޮސްފައިވެއެވެ. މި ހަރަކާތްތަކަކީ ގްރޭޓާ މާލެ ސަރަހައްދުގެ ޢާއިލާތައް އެކުވެރި މާޙައުލެއްގައި ބައްދަލުވެ، ޢީދު އުފާ ފާހަގަކުރުމުގެ ފުރުޞަތު ފަހިކޮށްދިނުމުގެ ގޮތުން، ކުރިއަށް ގެންދިޔަ ހަރަކާތްތަކެކެވެ. 3 ދުވަހަށް ކުރިއަށްގެންދިޔަ "ޢީދު ހަވީރު 1447" ގައި ސިފައިންނާއި ފުލުހުންގެ އިތުރުން، ދައުލަތުގެ 11 އެސްއޯއީއަކުން ބައިވެރިވެފައިވެއެވެ.