ލޯންޗެއް އެކްސިޑެންޓްވެ ދެ މީހަކަށް ބޮޑެތި އަނިޔާތަކެއް ލިބި ފަރުވާދެނީ

ޒައުޖަތު އަޙުމަދު2026 ޖޫން 01

ލޯންޗެއް އެކްސިޑެންޓްވެ ދެ މީހަކަށް ބޮޑެތި އަނިޔާތަކެއް ލިބި ފަރުވާދެމުން އަންނަ ކަމަށް އެމްއެންޑީއެފުން ބުނެފިއެވެ.

އެމްއެންޑީއެފުން ދެންމެ ބުނީ 2 މީހުންނާއިއެކު ދަތުރުކުރަމުންދިޔަ "ޓުއަރ ގާރޑް" ނަމަކަށް ކިޔާ ލޯންޗެއް އެކްސިޑެންޓްވެގެން، އެމްއެންޑިއެފް މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަން އިން އެހީތެރިކަން ފޯރުކޮށްދޭން ފަށާފައިވާ ކަމަށެވެ.

އެ އިދާރާއިން ބުނީ މި ހާދިސާގައި ލޯންޗުގައި ތިބި ދެ ފަޅުވެރިންނަށް ބޮޑެތި ހާނިކަތަކެއް ލިބިގެން އައިޖީއެމް ހޮސްޕިޓަލުގައި ފަރުވާދެމުން އަންނަ ކަމަށެވެ.

މި ހާދިސާއާއި ގުޅިގެން ސިފައިން އާންމުކޮށްފައިވާ ފޮޓޯއިން ފެންނަ ގޮތުގައި ލޯންޗަށް ވަނީ ވަރަށް ބޮޑަށް ގެއްލުންވެފައެވެ.

މި ހާދިސާގައި އަނިޔާވި ފަޅުވެރިންގެ މަޢުލޫމާތު އަދި ހާމަކޮށްފައެއް ނުވެއެވެ.