ތައިލެންޑް ޖަލެއްގައި ހުރި ދިވެއްސަކު ނިޔާވެއްޖެ

ޒައުޖަތު އަޙުމަދު2026 މާރިޗު 06

ތައިލެންޑް ޖަލެއްގައި ހައްޔަރުކޮށްފައި ހުރި ދިވެއްސަކު ނިޔާވެއްޖެއެވެ.

އޭނާ ހައްޔަރުކޮށްފައި ވަނީ މަސްތުވާތަކެތި އެ ޤައުމަށް އެތެރެކުރި މައްސަލައެއްގައެވެ.

ފުލުހުން ބުނި ގޮތުގައި ނިޔާވެފައި ވަނީ ތ. ގުރައިދޫ، ފަނާރު، އިބްރާހީމް ނަބީހް ނަސީމް (22އ) އެވެ.

އޭނާ ހައްޔަރުކުރީ މިދިޔަ ފެބްރުއަރީ މަހުގެ 22 ވަނަ ދުވަހު ޑޮން މުއަންގް އިންޓަނޭޝަނަލް އެއާޕޯޓުން ކަމަށް ފުލުހުން ބުންޏެވެ.

މި މަރާއި ގުޅިގެން އިތުރު ތަފުސީލެއް ފުލުހުން ހާމައެއް ނުކުރެއެވެ.

ނަމަވެސް މި ހާދިސާއާ ގުޅިގެން ބަލަންޖެހޭ ކަންކަން ކަމާގުޅުންހުރި އިދާރާތަކާ ގުޅިގެން ބަލަމުންދާ ކަމަށް ފުލުހުން ބުނެފައިވެއެވެ.