ބަންގުލަދޭޝްއަށް ދާ މީހުންނަށް އޮން އެރައިވަލް ވިސާ ދޭން އަލުން ނިންމައިފި

ބަންގުލަދޭޝްއަށް ދާ މީހުންނަށް އޮން އެރައިވަލް ވިސާ ދޭން އަލުން ނިންމައިފިއެވެ.

މި ނިންމުމާއި ގުޅިގެން ދިވެހި ޚާރިޖިއްޔާއިން ބުނީ އަންނަ ފެބްރުއަރީ މަހުގެ 12 ވަނަ ދުވަހު ބަންގްލަދޭޝްގައި ބޭއްވުމަށް ހަމަޖެހިފައިވާ އެގައުމުގެ ރައްޔިތުންގެ މަޖިލީހުގެ އިންތިޚާބާ ގުޅިގެން ވަގުތީގޮތުން އޮން-އެރައިވަލް ވިސާ ދޫކުރުން މެދުކަނޑާލަން މީގެކުރިން ނިންމާފައިވީ ނަމަވެސް، އެނިންމުން އަނބުރާ ގެންދަން، ބަންގްލަދޭޝްގެ ސަރުކާރުން ނިންމާފައިވާ ކަމަށެވެ.

އެ ވުޒާރާއިން ބުނީ ބަންގްލަދޭޝްއަށް ދަތުރުކުރައްވާ ދިވެހިންނަށް ކުރިއެކޭވެސް އެއްގޮތަށް، އޮން-އެރައިވަލް ވިސާ ލިބޭނެ ކަމަށެވެ.

ބަންގުލަދޭޝްގެ ރައްޔިތުންގެ މަޖިލީހުގެ އިންތިޚާބު އޮންނަނީ އަންނަ ފެބްރުއަރީ މަހުގެ 12 ވަނަ ދުވަހުއެވެ. މި އިންތިޚާބާއި ގުޅިގެން 15 ޖެނުއަރީ 2026 އިން ފެށިގެން 15 ފެބްރުއަރީ 2026 ގެ ނިޔަލަށް، އެ ޤައުމަށް ދަތުރުކުރާ އެންމެހައި ފަރާތްތަކަށް އޮން އެރައިވަލް ވިސާ ދޫކުރުން ވަގުތީ ގޮތުން މެދުކަނޑާލުމަށް، އެގައުމުގެ ސަރުކާރުން ކުރިން ނިންމިއެވެ.