އެއާޕޯޓުގެ އައު ޓާމިނަލުން ޚިދުމަތްދޭ އެއާލައިންގެ އަދަދު 35 އަށް އަރައިފި

ވެލާނާ އިންޓަނޭޝަނަލް އެއާޕޯޓުގެ އައު ޓާމިނަލުން ޚިދުމަތްދޭ އެއާލައިންގެ އަދަދު 35 އަށް އަރައިފިއެވެ.

ވެލާނާ އިންޓަނޭޝަނަލް އެއާޕޯޓުގެ ޓާމިނަލް 1 ން މިއަދު ޚިދުމަތް ދޭން ފަށާފައި ވަނީ އައިޓީއޭ އެއާވޭސްއަށެވެ.

އެމްއޭސީއެލްއިން ބުނީ އައިޓީއޭ އެއާވޭސްގެ އޮޕަރޭޝަންތައް ފަށުމާއިއެކު މިއީ އައު ޓާމިނަލުން އޮޕަރޭޓްކުރަން ފެށި 35 ވަނަ އެއާލައިން ކަމަށެވެ.

އައިޓީއޭ އެއާލައިންގެ ފުރަތަމަ ފްލައިޓަށް ފެނުގެ ސަލާމަކުން މަރުޙަބާ ކިޔާފައިވާއިރު، އެ ފުލައިޓުން ރާއްޖެ އައި ފަސިންޖަރުންނަށް މަރުޙަބާ ކިޔާފައިވަނީ ދިވެހި ސަޤާފީ ބޮޑުބެރުގެ ޙަރަކާތްތަކާ އެކުގައެވެ.

ވެލާނާ އިންޓަނޭޝަނަލް އެއާޕޯޓުގެ އައު ޓާމިނަލް ހުޅުވައިދެއްވީ މިއަހަރުގެ މިނިވަން ދުވަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ.