އައްޑޫއަށް ނަގޫރޯޅިއެއް އަރައި ބޮޑެތި ގެއްލުންތަކެއް ލިބިއްޖެ

އައްޑޫ، މަރަދޫފޭދޫއަށް މިއަދު ހެނދުނު ނަގޫރޯޅިއެއް އަރައި ބޮޑެތި ގެއްލުންތަކެއް ވެއްޖެ އެވެ.

އައްޑޫ ސިޓިއަށް ނަގޫ ރޯޅިއެއް އަރާފައިވަނީ މިއަދު 8.40 ހާއި 9.00 އާއި ދެމެދުގެ ވަގުތެއްގައެވެ.

އެގޮތުން މި ހާދިސާގައި އެއް ގެއަކަށް ވަރަށް ބޮޑަށް ގެއްލުން ލިބިފައިވާއިރު، އެ ރަށުގެ ހިނަވާ ގޭގެ ފުރާޅު ވެސް ވަޔާއެކު އެއްލާލައިފައިވާ ކަމަށާއި އަދި ބައެއް ގެތަކުގެ ވަށާ ފާރު ވެސް ވެއްޓިފައިވާކަމަށް މައުލޫމާތު ލިބެއެވެ.

އެމްއެންޑީއެފް އާއި ރަށުގެ މުއައްސަސާތަކާއި ކައުންސިލު ގުޅިގެން އަންނަނީ ލިބިފައިވާ ގެއްލުންތަކުގެ އެސެސްމެންޓްތަކެއް މިހާރު ހަދަމުންނެވެ. \

އެ ހާދިސާގައި މީހަކަށް އަނިޔާއެއް ލިބުނު ކަމުގެ ރިޕޯޓެއް ނުލިބެ އެވެ.