މަސްވެރިން ކިރުވާ މަހަށް 48 ގަޑިއިރުތެރޭ ފައިސާ ދިނުން މިހާރު ބަރާބަރަށް ކުރިއަށްދޭ!

މިފްކޯއަށް މަސްވެރިން ކިރުވާ މަހަށް 48 ގަޑިއިރުތެރޭ ފައިސާ ދިނުން މިހާރު ބަރާބަރަށް ކުރިއަށްދާ ކަމަށް މިފްކޯއިން އާންމުކުރާ މަޢުލޫމާތުތަކުން ހާމަވެއްޖެއެވެ.

އެގޮތުން ފާއިތުވި ޖުލައި މަހު މަސްވެރިން ކިރުވި މަހަށް މިއަދު ފައިސާ ދީފައިވާކަމަށް މިފްކޯއިން މިއަދު ވަނީ ބުނެފައެވެ.

ޖުލައި 30 ވަނަ ދުވަހު 19 ދޯނިން މިފްކޯއަށް ކިރުވި މަހަށް 638،835.78 ރުފިޔާ ދީފައިވާ ކަމަށް މިފްކޯއިން ވަނީ ބުނެފައެވެ.

ހަމައެހެންމެ ޖުލައި މަހުގެ 29 ވަނަ ދުވަހު 25 ދޯނިން ކިރުވި މަހަށްވާ 755،024.75ރުފިޔާ ޖުލައި 31 ގައި ދީފައިވާ ކަމަށް މިފްކޯއިން ބުނެފައިވެއެވެ.

އަދި ޖުލައި 28 ގައި 31 ދޯނިން ކިރުވި މަހަށްވާ 1،096،659.00 ރުފިޔާ ދޫކޮށްފައިވާ ކަމަށް ވެސް އެ ކުންފުނިން ވަނީ ބުނެފައެވެ.

ދައުލަތުގެ މަސްކުންފުނި މިފްކޯއަށް މަސްވެރިން ކިރުވާ މަހަށް 48 ގަޑިއިރުތެރޭ ފައިސާ ދިނުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދުފުޅެކެވެ.