ކުޅިވަރާބެހޭ ވުޒާރާއިން ކުރިއަށްގެންދާ "ހަށިހެޔޮރާއްޖެ" 37 ވަނަ ޕްރޮގްރާމް މާލޭގައި ފަށައިފި

ޒައުޖަތު އަޙުމަދު2026 އޮކްޓޯބަރު 23

ޒުވާނުން ބާރުވެރިކުރުމާއި ކުޅިވަރާއި ހަށިހެޔޮކަމާބެހޭ ވުޒާރާއިން ކުރިއަށްގެންދާ "ހަށިހެޔޮރާއްޖެ" 37 ވަނަ ޕްރޮގްރާމް މާލޭގައި ފަށައިފިއެވެ.

އެ ވުޒާރާއިން ބުނީ ރާއްޖޭގެ 15 އަތޮޅަކުން، އެ ވުޒާރާގެ 43 މުވައްޒަފުން މި ޕްރޮގްރާމުގައި ބައިވެރިވާ ކަމަށެވެ.

އެ ވުޒާރާއިން ބުނީ މި ޕްރޮގްރާމަކީ މި ފަދަ ޙަރަކާތްތައް ތަންފީޛުކުރުން ހަރުދަނާކުރުމަށާއި، މުޅި ރާއްޖޭގައި ދުޅަހެޔޮ ދިރިއުޅުމުގެ ވައްޓަފާޅިއާއި ދުޅަހެޔޮކަމުގެ ޙަރަކާތްތައް ކުރިއެރުވުމަށް ގުޅިގެން ކުރެވޭ މަސައްކަތުގެ ފެށުމެއް ކަމަށެވެ.

މި ޕްރޮގްރާމަކީ، މި އިސްނެގުމުގެ ދަށުން ހިންގުނު 37 ވަނަ "ހަށިހެޔޮރާއްޖެ" ޕްރޮގްރާމް ކަމަށް ވެސް ކުޅިވަރާއި ހަށިހެޔޮކަމާބެހޭ ވުޒާރާއިން ބުންޏެވެ.

އެ ވުޒާރާއިން ބުނީ މިކަމުން ދައްކުވައިދެނީ ދުޅަހެޔޮ ދިރިއުޅުމުގެ ވައްޓަފާޅި ކުރިއެރުވުމަށާއި، ރާއްޖޭގެ އެކި ކަންކޮޅުތަކުގައި މުޖުތަމައުއަށް އަމާޒުކޮށް ހިންގާ ޞިއްޙަތާއި ފިޓްނަސް ޕްރޮގްރާމްތައް ފުޅާކުރުމަށް މިނިސްޓްރީން ދެމުންދާ މެދުކެނޑުމެއްނެތް އަހަންމިއްޔަތުކަން ކަމަށެވެ.

މި ޕްރޮގްރާމުގެ ދަށުން، މިއަދު ވަނީ ފިޒިކަލް ޓްރެއިނިންގ (ޕީޓީ) ކޮމާންޑްތަކާއި މޫދުގައި ކުރާ ކަސްރަތުތަކުގެ އަމަލީ ތަމްރީނު ސެޝަނެއް ކާމިޔާބުކަމާއެކު ކުރިއަށް ގެންގޮސްފައި ކަމަށް އެ ވުޒާރާއިން ބުންޏެވެ.

މި ސެޝަންގެ ސަބަބުން ބައިވެރިންނަށް ފިޒިކަލް ފިޓްނަސް، އަޚުލާގު، ޓީމެއްގެ ގޮތުގައި މަސައްކަތްކުރުން އަދި މޫދާ ގުޅުންހުރި ޙަރަކާތްތަކުގެ މުހިންމު ހުނަރުތައް ވަނީ ދަސްވެފައި ކަމަށް އެ ވުޒާރާއިން ބުންޏެވެ.

43 މުވައްޒަފުން ބައިވެރިވި މި ސެޝަނުގައި މޫދުގައި ކުރާ ކަސްރަތުތަކުގެ އަސާސީ ބައިތައް އުނގަންނައިދީފައިވާއިރު، މިއީ ޤައުމީ ފެންވަރުގައި ޤާބިލުކަން އިތުރުކުރުމަށް އެ ވުޒާރާއިން ކުރަމުންދާ މަސައްކަތްތަކަށް ލިބުނު މުހިންމު ކުރިއެރުމެއް ކަމަށް ހަށިހެޔޮކަމާބެހޭ ވުޒާރާއިން ބުންޏެވެ.