ބީއެމްއެލް އެމެކްސް ކާޑުން ވިޔަފާރިކޮށްގެން، ފޯމިއުލާ 1 ބަލާލަން ސިންގަޕޫރަށް ދިޔުމުގެ ފުރުސަތު!

މުހައްމަދު ރިފާއު2026 ޖުލައި 02

ބޭންކް އޮފް މޯލްޑިވްސް (ބީއެމްއެލް) ގެ އެމެރިކަން އެކްސްޕްރެސް (އެމެކްސް) ޕްލެޓިނަމް ކްރެޑިޓް ކާޑު ގެންގުޅޭ ކަސްޓަމަރުންނަށް ހާއްސަކޮށްގެން، މި އަހަރު ބާއްވާ "ފޯމިއުލާ 1 ސިންގަޕޫރު އެއާލައިންސް ސިންގަޕޫރު ގްރޭންޑް ޕްރީ" ސީދާ ރޭސް ޓްރެކުން ބަލައިލުމުގެ ރަން ފުރުސަތު ލިބޭ ހާއްސަ ޕްރޮމޯޝަނެއް މިއަދު ފަށައިފިއެވެ.

މި ޖުލައި މަހުގެ ނިޔަލަށް ކުރިއަށްދާ މި ޕްރޮމޯޝަނުގައި ބައިވެރިވެވޭނީ ބީއެމްއެލް އެމެރިކަން އެކްސްޕްރެސް ޕްލެޓިނަމް ކްރެޑިޓް ކާޑު ނުވަތަ އެމެރިކަން އެކްސްޕްރެސް އިސްލާމިކް ޕްލެޓިނަމް ކްރެޑިޓް ކާޑު ބޭނުންކޮށްގެން ރާއްޖޭގެ ކޮންމެ ތަނަކުންވެސް ވިޔަފާރިކުރާ ކަސްޓަމަރުންނަށެވެ. މި ޕްރޮމޯޝަނުގެ ދަށުން ގުރުއަތުން ހޮވޭ ނަސީބުވެރި ފަރާތަކަށް، އިތުރު ބައިވެރިއަކާ އެކު ސިންގަޕޫރުގެ މި ތަޖުރިބާ ހޯދުމުގެ ފުރުސަތު ލިބޭނެއެވެ.

ގުރުއަތުން ހޮވޭ ފަރާތަކަށް ލިބޭ އިނާމުތަކުގެ ތެރޭގައި ހިމެނެނީ:

• އެމެކްސް ސްކައި ސޫޓް (Amex Sky Suite) ގެ 2 ޓިކެޓް: ފޯމިއުލާ 1 ސިންގަޕޯ ގްރޭންޑް ޕްރީ 2026 ގެ 3 ދުވަހުގެ ފުރިހަމަ އެކްސެސްއާއެކު.
• ދެކޮޅު ޓިކެޓް: ސިންގަޕޫރަށް ދިޔުމާއި އެނބުރި އައުމުގެ ދެ މީހުންގެ ވައިގެ ޓިކެޓް.
• ހޮޓެލް އެކޮމަޑޭޝަން: ސިންގަޕޫރުގައި ހުރުމުގެ ހުރިހާ ޚަރަދެއް.

ބީއެމްއެލްއިން ހާމަކުރި ގޮތުގައި، މި ޕްރޮމޯޝަނަކީ އެ ބޭންކުގެ ކާޑު މެންބަރުންނަށް ހާއްސަ ލައިފްސްޓައިލް މަންފާތަކާއި، އަގުހުރި ތަޖުރިބާތަކުގެ އިތުރުން ދުނިޔޭގެ ފެންވަރުގެ މަދުން ނޫނީ ނުލިބޭނެ ފަދަ ތަފާތު ފުރުސަތުތައް ފޯރުކޮށްދިނުމަށް ބޭންކުން ކުރަމުންދާ މަސައްކަތްތަކުގެ ދަށުން ކުރިއަށްގެންދާ ހަރަކާތެކެވެ.

އެހެންކަމުން، މި މަހުގެ ތެރޭގައި ބީއެމްއެލް އެމެކްސް ޕްލެޓިނަމް ކްރެޑިޓް ކާޑުތަކުން ކުރާ ކޮންމެ ވިޔަފާރިއަކާއެކު، ސިންގަޕޫރުގެ ފޯމިއުލާ 1 ގެ ފޯރިގަދަ މާހައުލަށް ދިޔުމުގެ ފުރުސަތު ކަސްޓަމަރުންނަށް އިތުރުވެގެންދާނެއެވެ.