logologologologo
STO
ޚަބަރު

ގެއްލުނު ޑައިވަރުންގެ ހަށިގަނޑު ފެނިއްޖެ

ގެއްލުނު ޑައިވަރުންގެ ހަށިގަނޑު ފެނިއްޖެ
މުހައްމަދު ރިފާއު
މުހައްމަދު ރިފާއު2026 މޭ 18

ވ. އަތޮޅުގެ ކަނޑުއަޑީގެ ހޮހަޅައަކަށް ފީނަން ގޮސް އުޅެނިކޮށް ގެއްލުނު އިޓަލީގެ 4 ޑައިވަރުން ގެ ހަށިގަނޑު ކަނޑު އަޑީގެ ހޮހަޅައަކުން ފެނިއްޖެ އެވެ.

އެމްއެންޑީއެފުން އެކްސްގައި ކުރި ޕޯސްޓެއްގައި ބުނީ މިދިޔަ ބުރާސްފަތި ދުވަހު ޑައިވިނަށް ގޮސް އުޅެނިކޮށް ގެއްލުނު ހަތަރު ޓޫރިސްޓުން ހޯދުމަށް އެމްއެންޑީއެފްގެ ކޯސްޓްގާޑާއި ފުލުހުންނާއި އިޓަލީގެ ސަރުކާރުން ފޮނުވި ބޭރުގެ ޑައިވަރުން ގުޅިގެން ހިންގަމުން އަންނަ އޮޕަރޭޝަނުގައި އެމީހުންގެ ހަށިގަނޑުތައް ލޮކޭޓްކުރެވިފައިވާ ކަމަށެވެ.

ގެއްލުނު ހަތަރު ޑައިވަރުންގެ ހަށިގަނޑު ފެނިފައި ވަނީ އެމީހުން ޑައިވް ކުރި ހޮހަޅައިގެ ތެރެއިން ކަމަށާއި ކުރިއަށް ހުރި ޑައިވްތަކުގައި އެމީހުންގެ ހަށިގަނޑުތައް ހޮހަޅައިން ނެގުމުގެ މަސައްކަތް ކުރުމަށް ރާވާފައިވާ ކަމަށް ވެސް އެމްއެންޑީއެފުން ބުންޏެވެ.

ރައީސް އޮފީހުގެ އިސް ތަރުޖަމާން މުހައްމަދު ހުސެއިން ޝަރީފް (މުންދު) ވިދާޅުވީ މި ހަށިގަނޑުތައް ހޯދިފައި ވަނީ އެމްއެންޑީއެފްގެ ކޯސްޓްގާޑާއި ދިވެހި ފުލުހުން އަދި އިޓަލީ ސަރުކާރުގެ އެހީތެރިކަމާ އެކު އެކަމަށް ހާއްސަކޮށް، ތަމްރީނުވެފައިވާ ފުން ކަނޑުތަކަށް ފީނާ ޑައިވަރުންގެ ޓީމަކުން ގުޅިގެން ހިންގި ހާއްސަ އޮޕަރޭޝަނެއްގައި ކަމަަށެވެ.

MALDIVE GAS
ADVERTISE SLOT

Promote Your Brand Where It Matters Most

އިތުރަށް