މައްސަލަ ހައްލުވެެއްޖެ، ކުރިއެކޭ އެއްގޮތަށް ގޭސް ލިބޭނެ: އެސްޓީއޯ

މުހައްމަދު ރިފާއު2026 ފެބްރުއަރީ 17

ގޭސް ލިބުމުގައި ދިމާވި ދަތިތައް ހައްލުކޮށް، ކުރިއެކޭ އެއްގޮތަށް ގޭސް ލިބޭނެކަމުގެ ޔަގީންކަން އެސްޓީއޯއިން މިއަދު ދީފިއެވެ.

ގޭސް ލިބުމުގައި ދަތިތަކެއް ދިމާވެފައި ވަނީ ދުނިޔޭގެ ބާޒާރާއި ސަރަހައްދީ ބާޒާރުގައި ކައްކާ ގޭހުގެ ސަޕްލައިއަށް އައި ލޮޅުންތަކާއެކުއެވެ. މި ލޮޅުންތަކާއި ގުޅިގެން އެސްޓީއޯގެ ސަބްސިޑަރީ ކުންފުނި މޯލްޑިވް ގޭސް މެދުވެރިކޮށް ވިއްކަމުން ދިޔަ 10 ކިލޯގެ ގޭސް ފުޅީގެ ބަދަލުގައި ވިއްކަމުން ދިޔައީ ޑިސްކައުންޓް ރޭޓުގައި ހަތް ކިލޯގެ ގޭސް ފުޅިއެވެ.

މައުލޫމާތު ލިބޭގޮތުގައި ގޭހުގެ މައްސަލަ އެއްކޮށް ހައްލުވެ، މިއަދުން ފެށިގެން ކުރިއެކޭ އެއްގޮތަށް 10 ކިލޯގެ ގޭސް މިހާރު ލިބެން އެބަހުއްޓެވެ.