ބިދޭސީންގެ ބައޯމެޓްރިކްސް އަޕްޑޭޓް ނުކުރާ ފަރާތްތަކަށް އަންނަ ހޮނިހިރު ދުވަހު ފުރުޞަތު ދެނީ

ބިދޭސީންގެ ބައޯމެޓްރިކްސް އަޕްޑޭޓް ނުކުރާ ފަރާތްތަކަށް އަންނަ ހޮނިހިރު ދުވަހު ފުރުޞަތު ދޭން ދާޚިލީ ސަލާމަތާއި ފަންނިއްޔާތާބެހޭ ވުޒާރާއިން ނިންމައިފިއެވެ.

އެ ވުޒާރާއިން ބުނީ ބައޯމެޓްރިކްސް އަޕްޑޭޓް ނުކުރާ ބިދޭސީ މަސައްކަތްތެރިންގެ މަޢުލޫމާތު އަޕްޑޭޓްކުރުން ނޮވެމްބަރު 15 ވާ ހޮނިހިރު ދުވަހު ކުރިއަށް ގެންދާނެ ކަމަށެވެ.

އެ ވުޒާރާއިން ބުނީ މިކަމަށްޓަކައި އެންސީއައިޓީގައި ޤާއިމު ކުރެވިފައިވާ ސެންޓަރުން އެ ދުވަހުގެ ހެނދުނު 9:00ން ފެށިގެން ރޭގަނޑު 21:00 އަށް އެ ފުރުޞަތު ލިބިގެންދާނެ ކަމަށެވެ.

ރާއްޖޭގައި ދިރިއުޅޭ ބިދޭސީންގެ މަޢުލޫމާތު އެއްކުރުމަށް ދާޚިލީ ވުޒާރާއިން ދަނީ "އޮޕްރޭޝަން ކުރަނގި" ނަމުގައި ޚާއްޞަ ޕްރޮގްރާމެއް ހިންގަމުންނެވެ.

ބައޯމެޓްރިކްސް އަދާހަމަނުކޮށް ތިބި 27،000 އަށް ވުރެ ގިނަ ބިދޭސީން ތިބިކަމަށް މިދިޔަ އޮކްޓޫބަރު މަހު އެ ވުޒާރާއިން ވަނީ ބުނެފައެވެ.