ފުރަތަމަ ފަހަރަށް ނިއުޔޯކުގެ ޤާނޫނު ހަދާ މަޖިލީހުގެ ގޮނޑިއެއް ފަލަސްޠީނު ދަރިކޮޅުގެ މީހަކު ކާމިޔާބުކޮށްފި

ޒައުޖަތު އަޙުމަދު2026 ނޮވެމްބަރު 04

ފުރަތަމަ ފަހަރަށް ނިއުޔޯކުގެ ޤާނޫނު ހަދާ މަޖިލީހުގެ ގޮނޑިއެއް ފަލަސްޠީނު ދަރިކޮޅުގެ ރައްޔިތަކު ކާމިޔާބުކޮށްފިއެވެ.

ފަލަސްޠީނު- އެމެރިކާއަށް ނިސްބަތްވާ އަބީރް ކަވާސް އެމެރިކާގެ މިޑްޓާރމް އިންތިޚާބުގައި ނިއު ޔޯކް ސްޓޭޓް ސެނެޓްގެ ގޮނޑިއެއް ކާމިޔާބުކުރައްވައި، އޭނާ މިވަނީ ތާރީޚީ ކާމިޔާބީއެއް ހޯއްދަވައިފައެވެ.

މި ކާމިޔާބީއާއެކު އޭނާ ވެގެންދާނީ ނިއު ޔޯކް ސްޓޭޓްގެ ޤާނޫނު ހަދާ މަޖިލީހަށް ހޮވުނު ފުރަތަމަ، ފަލަސްޠީނު ދަރިކޮޅުގެ އެމެރިކާ މީހާއަށެވެ. އަދި މިއީ އެ މަޖިލީހަށް މުސްލިމް އަންހެނަކު އިންތިޚާބުވި ފުރަތަމަ ފަހަރުވެސް މެއެވެ.

2026 ވަނަ އަހަރުގެ މިޑްޓާރމް އިންތިޚާބުގެ މުހިންމު ބައެއް ހިސާބުތަކަށް ބަލާއިރު، މުސްލިމުން ވަނީ ރެކޯޑް ކާމިޔާބީއެއް ހޯދައިފައެވެ. މިއަހަރުގެ އިންތިޚާބުގައި އެމެރިކާގެ އެކި ފަންތީގެ މަޤާމުތަކަށް (ލޯކަލް، ސްޓޭޓް އަދި ފެޑެރަލް) ޖުމްލަ 82 މުސްލިމް ކެންޑިޑޭޓުން ވަނީ އިންތިޚާބު ކާމިޔާބުކޮށްފައެވެ.

މި އިންތިޚާބަކީ މި އިންތިޚާބުގައި ޑިމޮކްރެޓްސް ވަނީ ބޮޑު ކާމިޔާބީއެއް ހޯދައި، އެމެރިކާގެ ސެނެޓްގެ 51 ގޮނޑިއާއެކު މެޖޯރިޓީ ހޯދާފައެވެ. އެމެރިކާގެ ރައީސް ޑޮނަލްޑް ޓްރަމްޕް ނިސްބަތްވާ ރިޕަބްލިކަންސް އަށް ލިބިފައިވަނީ 40 ގޮނޑިއެވެ.

މަޖިލީހުގެ އަޣްލަބިއްޔަތު ހޯދުމަށް 218 ގޮނޑި ބޭނުންވާއިރު، ޑިމޮކްރެޓްސް ވަނީ މިހާތަނަށް 183 ގޮނޑި ކާމިޔާބުކޮށް މެޖޯރިޓީ ކަށަވަރުކޮށްފައެވެ. ރިޕަބްލިކަންސް އަށް މިހާތަނަށް ކަށަވަރުވެފައިވަނީ 109 ގޮނޑިއެވެ.

އަބީރް ކަވާސް އަކީ ނިއު ޔޯކް ސްޓޭޓްގެ ޤާނޫނު ހަދާ މަޖިލީހަށް އިންތިޚާބުވި ފުރަތަމަ މުސްލިމް އަންހެނާގެ އިތުރުން އޭނާއަކީ އެ މަޖިލީހަށް ހޮވުނު ފުރަތަމަ ފަލަސްޠީނު ދަރިކޮޅުގެ އެމެރިކާ މީހާ ވެސް މެއެވެ. ފާހަގަކޮށްލަންޖެހޭ ކަމަކީ، އޭނާ މިއީ މުޅި އެމެރިކާގެ ޤައުމީ މަޖިލީހަށް ހޮވުނު ފުރަތަމަ މުސްލިމް އަންހެނާއެއް ނޫނެވެ. އެމެރިކާގެ ޤައުމީ މަޖިލީހަށް އެންމެ ފުރަތަމަ ހޮވުނު މުސްލިމް އަންހެނުންނަކީ އިލްހާން ޢުމަރާއި ރާޝިދާ ޠަލީބެވެ. ނަމަވެސް، ނިއު ޔޯކް ސްޓޭޓްގެ ޤާނޫނު ހަދާ މަޖިލީހުގެ ތާރީޚަށް ބަލާއިރު އަބީރަކީ އެ މަޤާމަށް ހޮވުނު ފުރަތަމަ މުސްލިމް އަންހެނާއެވެ.

މި ފަހަރުގެ އިންތިޚާބަކީ އެމެރިކާގެ ސިޔާސީ މަސްރަޙުގައި މުސްލިމުންނާއި މައިނޯރިޓީ ގްރޫޕްތަކުން ބޮޑެތި ކުރިއެރުންތަކެއް ހޯދި ތާރީޚީ އިންތިޚާބެކެވެ.